sejarah
Hari ini Selasa tanggal 21 November: pada tahun 1694 Voltaire, filosof Perancis lahir
HALAMAN UTAMA
HUBUNGI KAMI
ENGLISH VERS.
MINANG KABAU
BUKU TAMU
BAGALANGGANG
BANGUN NAGARI
  • Lhk Tnh Data[16-76]
  • Lhk Agam[4-73]
  • Lhk 50 Koto[9-76]
  • Pasaman[0-30]
  • Pasaman Brt[2-19]
  • Pesisir Sltn[0-36]
  • Sijunjuang[1-45]
  • Dharmasraya[0-21]
  • Solok[0-75]
  • Solok Selatan[0-13]
  • Pdg Pariaman[0-46]
  • Kt Bukit Tinggi[0-5]
  • Kt Padang[0-22]
  • Kt Pdg Panjang[0-4]
  • Kt Payakumbuh[0-7]
  • Kt Pariaman[0-9]
  • Kt Swh Lunto[0-14]
  • Kt Solok[0-1]
  • Surat Gubernur
  • PESAN ADMIN
    1. Untuk menindaklanjuti surat Gubernur kepada Rektor Perguruan Tinggi ttg. pembangunan nagari-nagari saiber, dan sesuai dengan kesepakatan masyarakat SB untuk 'Baliak ba nagari, kambali ba Surau' maka kini saatnya Generasi Muda mengambil peran

    2. Webmaster-Admin (73 th.) bersedia memberi petunjuk gratis cara pembuatan situs semacam itu kepada anak-kemenakan/mahasiswa.

    2. Praktekkan ilmu yang telah Anda pelajari di sekolah-sekolah khususnya ilmu Komputer/komunikasi

    3. Waktu bagi anak-anak muda, tak boleh dibuang percuma hanya karena 'sedang gilo maliek baruak barayun' di panggung-panggung hiburan, di televisi dan di mal-mal.

  • Calon Promotor
  • Masalah Besar I
  • Masalah Besar II
  • Malu indak dibagi
  • Asalnya Masalah
  • Agenda Kita
  • Nan Berprestasi

  • Batuka pandapek dgn urang nan didahulukan salangkah, ditinggikan sarantiang:

  • Gubernur SB: Waktu dalam konfirmasi !

  • L.K.A.A.M - S.B
    Minggu pertama, malam pk. 20.00 - 22.00 setiap bulan atau konfirmasi ke: 0812 661 6986

  • Ketua DPRD Sumbar: Waktu dlm konfirmasi !
  • Bakirim email unt. Mamak:
  • di LKAAM
  • di DPRD
  • di DPD

  • GURITIAK dari PALANTA MAK SATI
  • PRRI di Nagari Sulik Aie - 995831
  • Tiga Peristiwa Tragis di nagari Batipuah - 1054093
  • PRRI di nagari Tabek Sw. Tangah - 1064843
  • Para pemuda Talang dilepas menuju front Juang - 1125680
  • Tugu untuk mengingat PRRI di nagari Muaro Paneh - 1302760
  • 17 orang pemuda Sitalang berangkat ke Silapiang menjadi pejuang PRRI - 1526757
  • Nagari sebagai Unit Kesatuan Keamanan dan Pertahanan - 1429776
  • Nagari sebagai Unit Kesatuan Ekonomi - 1437078
  • P.R.R.I di nagari Rao Rao: Pendidikan di saat perang - 1559109
  • PRRI dalam Pergolakan Daerah th. 1950-an - 1440653
    Lihat Judul-judul Guritiak lainnya

  • Sabai & Mangkutak & JilaAtang di jaman Digital (Wisran Hadi)

  • Orang Minang
  • Paham di nan Duo
  • Cupak nan Duo
  • Alexander the Great
  • Takana jo kawan!
  • Penyumbang situs
  • Toko Buku UNP
  • Unduh yg Diperlukan

  • PRRI di Kt. Anau
  • PRRI di Simarasok
  • Menjaga M. Natsir
    di Rimba Masang
  • Telah dibaca oleh: 27302 orang.

    Undanglah Aden Jila ....!

    Dikarang oleh : Wisran Hadi

    Atang paneh juo hatinyo baru lai.
    Indak masuak ka dalam banaknyo, baa mangko inyo indak diundang dek panitia kongres.
    Padohal lah bakali-kali nyo kecek an ka si Jila, bahaso inyo, si Atang tu, adolah urang nan paliang patuik bana diundang bilo ado diskusi, ceramah apolai seminar atau kongres tentang adat jo kebudayaan Minangkabau.
    Tapi kini indak. Apo bana kolah nan tajadi dalam kebudayaan Minangkabau ko. Pasti ado apo-aponyo. Dengan indak diundangnyo si Atang, itu adolah tando bahaso kebudayaan Minangkabau ko kini sadang terancam.
    Sadang dianyuik an arus. Sadang dipacik dek urang-urang nan indak batangguang jawab. Jalan lah diasak urang lalu, cupak lah dituka urang panggaleh.

    “Jila!” sorak si Atang kutiko nyo caliak si Jila malinteh manyubarang jalan.
    “Kamari waang!” sorak si Atang sambia tagak pinggang.
    “Ka waang bao kama kebudayaan Minangkabau ko ha! Kongres! Kongres! Tapi antah sia sia sajo nan waang undang! Waang undang datuak-datuak usang nan dari kampuang jauah tasuruak tu, waang undang rajo-rajo di rantau jo pasisie! Untuk apo? Ha? Untuak apo? Ka mambaliak an Minangkabau ko zaman feodalisme? Itu nan ka waang buek!” kato si Atang mangkatutuih.

    “O, jadi waang indak diundang dek panitia tudoh. Iyo lah basalahan bana panitia tumah. Mustinyo urang-urang jenius saroman waang ko nan harus mangecek di kongres tu. Waden indak pulo abih pikie, baa mangko waang bana nan indak diundangnyo,” kato Jila saroman urang tacakiak.

    “Jaan macam-macam waang lai Jila. Waang bana nan mancoreang namo waden dari daftar urang nan kadiundangan tu. Kini waang balagak urang indak badoso pulo! Hantu!” hariak Atang.

    “Tapi agak hati den, mungkin waang disiapkan untuk kongres tahun katibo. Jadi, kini waang disimpan dulu. Tahun katibo, waang akan muncul sebagai pemakalah. Waang akan menjadi boko dalam kongres tahun katibo tu nantik. Tanang selah Tang. Pikiran-pikiran saroman pikiran waang ko kini nan sadang diperlukan dek kebudayaan Minang tu,” umbuak si Jila.

    “Tahun katibo! Tahun katibo! Tahun dek sari waang kecek an baitu pulo. Tahun katibo. Tahun nan lapeh baitu pulo! Tahun katibo tu bilo? Bilo, ha?” rarau si Atang dek berang.

    “Tahun katibo iyo tahun katibo. Waden kan indak mangecek an bahaso tahun dimuko doh. Tahun katibo! Kan jaleh kecek den tu ndak? Tahun katibo? Soal bilo tahun katibo tu, tagantuang bilo tahun tu tibo? Mungkin tahun muko, mungkin tahun muko ciek lai. Ma jaleh diden soal tahun iyo lai katibo atau indak,” kilah si Jila.

    “Cubo pikie dek waang! Iyo lai bakamampuan rajo-rajo jo datuak-datuak buruak tu manjadi anggota kongres! Sikola se indak ado nan perguruan tinmggi surang juo doh! Kongres tu kongres ilmiah Jila. Musti urang basiko tenggi nan sato,” kato si Atang.

    “Tang, danga kecek den. Waang jaan mahino urang. Waang kecek an rajo-rajo jo pangulu-pangulu tu indak bakamampuan, itu samo jo mahino kaumnyo tumah. Bakapeh iduang waang dek anak kamanakannyo beko. Kok mangecek, mangecek sajo lah. Jaan urang dihino. Waang kecek an, waang sajo nan mangarati adat jo budaya Minang ko ha? Apo dek karano waang kamanakan di bawah lutuik, lalu waang anti jo pangulu-pangulu tu? Atau, dek karano waang katurunan budak, lalu sakik bana hati waang ka rajo-rajo tu?” hariak si Jila.

    “Undang den! Buliah den tilanjangi urang-urang nan mangaku-ngaku tahu jo adat Minangkabau ko! Memang waden kamanakan di bawah lutuik, tapi waden basikola tenggi! Lai tahu waang ndak Jila, sabanta lai, adat Minangkabau ka waden ubah! Pangulu-pangulu tu musti dinon-aktifan! Jajok den,” luluang si Atang malapehan sakik hatinyo.

    “Kini baitu selah Tang. Kalau awak indak diundang urang, indak paralu awak berang ka urang tudoh. Kalau awak indak diundang, tanyo ka diri awak surang, baa mangko awak indak diundang urang? Iyo lai patuik awak diundang atau indak? Apo memang awak se nan santiang surang di ateh duniako? Baitu Tang, kalau awak iyo sabana manjadi urang baradaik,” kato si Jila.

    “Waden tatap curiga sampai kini. Kongres nan waang buek ko, pasti punyo maksud-maksud tertentu. Ado skenario di balakang kongres ko. Pasti waang nak barajorajo baliak. Kalau indak, indak mungkin waang maundang urang-urang saroman tu. Nan taralah, indak pernah urang-urang tu diundang. Kini waang undang! Baa mangko inyo bana waang undang? Baa mangko inyo? Kan jaleh tu, bahaso ado mukasuik-mukasuik tertentu,” kato si Atang.

    “Stek-stek, ado senario! Stek-stek, ado mukasuik tertentu. Stek-stek ado udang dibaliak batu. Apo waang nan mintak diudang tu indak ado mukasuik-mukasuik tertentu pulo? Waang mintak diundang kan supayo waang diakui urang bahaso waang urang baradaik. Urang nan mangarati adat jo budaya. Padohal waang indak tantu ciek alah juo doh. Apo suku waang se, indak jaleh dek waang doh. Sia gala datuak waang se, indak tantu dek waang doh. Agak hati den, waang lah mulai sakik jiwa komah. Sagalonyo waang curigai, saroman isi kapalo urang-urang politik. Lah paralu waang pai ka dotor jiwa mah kawan,” kato si Jila.

    “Tolonglah undang waden Jila. Toloanglah. Malu waden kalau indak diundang. Waden lah talonsoang mangecek an ka mintuo den, bahaso waden ko ahli budaya Minangkabau” kato si Atang saroman buni kuciang mangawan.



    Link dengan situs-situs Dialektika, Logika dan Sistematika serta Toko Buku.
    nan AMPEK I ||   anggt. DPR-DPRD ||   Syair Berhaji ||   RASO-PARESO ||   Kisah PRRI ||   PITARUAH AYAH ||
    Situs komunitas nagari.org mulai dibangun th. 2002, 2003 BPNK, 2005-v2, 2007-v3. All Right Reserved, Contact and Info : info@nagari.or.id
    This site support for MSIE 5.5+, Flash 5+, JavaScript, 800 x 600 px