sejarah
Hari ini Selasa tanggal 21 November: pada tahun 1694 Voltaire, filosof Perancis lahir
HALAMAN UTAMA
HUBUNGI KAMI
ENGLISH VERS.
MINANG KABAU
BUKU TAMU
BAGALANGGANG
BANGUN NAGARI
  • Lhk Tnh Data[16-76]
  • Lhk Agam[4-73]
  • Lhk 50 Koto[9-76]
  • Pasaman[0-30]
  • Pasaman Brt[2-19]
  • Pesisir Sltn[0-36]
  • Sijunjuang[1-45]
  • Dharmasraya[0-21]
  • Solok[0-75]
  • Solok Selatan[0-13]
  • Pdg Pariaman[0-46]
  • Kt Bukit Tinggi[0-5]
  • Kt Padang[0-22]
  • Kt Pdg Panjang[0-4]
  • Kt Payakumbuh[0-7]
  • Kt Pariaman[0-9]
  • Kt Swh Lunto[0-14]
  • Kt Solok[0-1]
  • Surat Gubernur
  • PESAN ADMIN
    1. Untuk menindaklanjuti surat Gubernur kepada Rektor Perguruan Tinggi ttg. pembangunan nagari-nagari saiber, dan sesuai dengan kesepakatan masyarakat SB untuk 'Baliak ba nagari, kambali ba Surau' maka kini saatnya Generasi Muda mengambil peran

    2. Webmaster-Admin (73 th.) bersedia memberi petunjuk gratis cara pembuatan situs semacam itu kepada anak-kemenakan/mahasiswa.

    2. Praktekkan ilmu yang telah Anda pelajari di sekolah-sekolah khususnya ilmu Komputer/komunikasi

    3. Waktu bagi anak-anak muda, tak boleh dibuang percuma hanya karena 'sedang gilo maliek baruak barayun' di panggung-panggung hiburan, di televisi dan di mal-mal.

  • Calon Promotor
  • Masalah Besar I
  • Masalah Besar II
  • Malu indak dibagi
  • Asalnya Masalah
  • Agenda Kita
  • Nan Berprestasi

  • Batuka pandapek dgn urang nan didahulukan salangkah, ditinggikan sarantiang:

  • Gubernur SB: Waktu dalam konfirmasi !

  • L.K.A.A.M - S.B
    Minggu pertama, malam pk. 20.00 - 22.00 setiap bulan atau konfirmasi ke: 0812 661 6986

  • Ketua DPRD Sumbar: Waktu dlm konfirmasi !
  • Bakirim email unt. Mamak:
  • di LKAAM
  • di DPRD
  • di DPD

  • GURITIAK dari PALANTA MAK SATI
  • PRRI di Nagari Sulik Aie - 995832
  • Tiga Peristiwa Tragis di nagari Batipuah - 1054093
  • PRRI di nagari Tabek Sw. Tangah - 1064844
  • Para pemuda Talang dilepas menuju front Juang - 1125681
  • Tugu untuk mengingat PRRI di nagari Muaro Paneh - 1302761
  • 17 orang pemuda Sitalang berangkat ke Silapiang menjadi pejuang PRRI - 1526758
  • Nagari sebagai Unit Kesatuan Keamanan dan Pertahanan - 1429777
  • Nagari sebagai Unit Kesatuan Ekonomi - 1437079
  • P.R.R.I di nagari Rao Rao: Pendidikan di saat perang - 1559110
  • PRRI dalam Pergolakan Daerah th. 1950-an - 1440654
    Lihat Judul-judul Guritiak lainnya

  • Sabai & Mangkutak & JilaAtang di jaman Digital (Wisran Hadi)

  • Orang Minang
  • Paham di nan Duo
  • Cupak nan Duo
  • Alexander the Great
  • Takana jo kawan!
  • Penyumbang situs
  • Toko Buku UNP
  • Unduh yg Diperlukan

  • PRRI di Kt. Anau
  • PRRI di Simarasok
  • Menjaga M. Natsir
    di Rimba Masang
  • Telah dibaca oleh: 27934 orang.

    BANTUAN NAN INDAK KA MUNGKIN DIKORUPSI

    Dikarang oleh : Wisran Hadi

    Maluluang panjang Sabai di muko tivi mancaliak penderitaan urang di Jogja.
    Ado nan taimpok dek rumahnyo, pansan dan ado nan mati.
    Ado nan kailangan anak, kailangan mande, kailangan rumah, kailangan kepercayaan.
    Satiok sudah sumbayang Sabai taruih mangadu ka Tuhan.

    Ya Tuhan, lah baa nagari kami ya Tuhan.
    Baa mangko co iko bana cobaan yang Engkau timpokan ka kami ya Tuhan.
    Apo bana kasalahan kami ko.
    Apo iyo dek karano pemimpin-pemimpin kami ko alah mambalakangi agamo? Apo iyo dek karano pemimpin-pemimpin kami tu lah maninggakan kami? Ya Tuhan.
    Bialah kami ditinggakan dek pemimpin kami, asa jangan Engkau ya Allah nan maninggakan kami.

    Bisuak harinyo, Sabai mancaliak tivi pulo baliak.
    Ado urang nan makan ubi parancih.
    Ado nan barabuik-rabuik makanan kutiko helikopter datang maanta an.
    Indak tabado ibo hati Sabai mancaliak penderitaan nan saroman tu.
    Tapi nan mambuek Sabai tambah taluluang, kutiko mandanga jawaban pak menteri katiko ditanyo dek urang tivi.
    Nan nyo makan dek urang tu, adolah makan tambahan tumah.
    Jaan cameh bana lai.

    “Cubo bayangan dek waang Mang! Lah jaleh urang di Bantul tu kalaparan, dapek ubi sakarek se lah mujua. Tu, nyo kecek an dek pak menteri ubi tu adolah makanan tambahan. Nan ma nan batua ko Mang. Ai nan salah danga, atau urang Bantul nan salah makan, atau pak menteri tu nan baru jago lalok?” tanyo Sabai kutiko Mangkutak datang manyandang sakaruang baju nan ka nyo bao ka Jogja.

    “Ciak, jaan talampau emosi bana lai. Apo nan dikecek an pak menteri tu batua tumah,” jawek Mangkutak.
    “O, jadi apo sajo nan dikecek an pak menteri tu musti batua? Urang lalok maunjua dek kalaparan dikecekan urang lalok bakaruah? Urang barabuik-rabuik makanan nan diambuangan dari oto truk dikecek an urang bagadang hati? Nan ka iyo-iyo selah Mang,” kato Sabai tasimumuik.

    “Tu baa lai ciak. Aciak mancaliak dari bawah, pak menteri mancaliak dari ateh. Tantu iyo balain-lain nan tampak,” kato Mangkutak.

    “Kapatang Ai baco koran. Kecek koran tu, sagalo bantuan untuk korban gampo di Jogja tu jaan disalurkan melalui pamarentah. Dek karano, kalau malalui pamarentah banyak bana kelok-keloknyo. Banyak bantuan nan indak sampai,” kato Sabai.

    “Jadi, baa mukasuik aciak?” tanyo Mangkutak.
    “Indak masuak aka Ai doh Mang. Indak picayo lai urang ka pamarentah manyalurkan bantuannyo doh. Baa mangko sampai baitu bana? Ka pamarentah sandiri awak indak picayo?” tanyo Sabai.

    “Ciak. Mako urang indak picayo tu, dek karano alah tabukti. Tsunami di Aceh, bamilyard-milyard bantuan datang dari saluruah dunia, tapi labiah saparo anyuik di tangah jalan. Sampai kini, urang di Aceh tu masih payah. Jadi, wajar se tunyo ciak, kalau urang indak namuah manyalurkan bantuannyo malalui pamarentah lai. Bayangan dek aciak. Lah jaleh urang susah, basuruah japuik pulo pitih, bareh bantuan ka kantu lurah nan jauahnyo sampai duo atau tigo kilometer. Nak mambunuah?” kato Mangkutak pulo malapehkan sakik hatinyo.

    “Tu baa lai Mang. Apo nan bisa awak bantu untuk dunsanak awak nan di Jogja tu?” tanyo Sabai.
    “Awak musti pai ka Jogja tu. Waden lah mangumpuakan baju-baju urang nan manyumbang, langsuang ka waden agiahan ka urang di sinan,” jawek Mangkutak.

    “Jaan lai Mang. Jaan. Beko tibo di sinan, waang ka ditanyo dek urang. Alah malapor ka polisi, alah mintak izin ka pak lurah, pak camat, pak bupati? Kok alun, bantuan waang tu nanti dianggap sebagai bantuan liar,” jawek Sabai.
    “O, baitu. Kutiko gampo tibo, kan indak pulo gampo tu malapor ka kantua lurah jo kantua camat doh. Awak musti pai ka sinan ciak. Awak harus maagiah bantuan sacaro langsuang,” kato Mangkutak.

    “Jaan lai Mang. Beko waang dituduah macam-macam,” kato Sabai.

    “Waden nak mambantu, lalu waden pulo nan kadituduah macam-macam. Jadi baa niat urang-urang nan mamarentah ko? Iyo lai sabana nak manyalamatkan rakyat atau maniao rakyat?” tanyo Mangkutak tarabo.
    “Aciak mampatakuik-takuik waden agaknyo mah?” kato Mangkutak.

    “Kok kareh bana hati waang nak pai, bisuaklah barangkek. Bialah Ai buek samba randang agak tujuah kilo, galamai sasumpik, karupuak jangek satangah karuang. Baoan bisuak dih?” kato Sabai.

    “Samba randang? Karupuak jangek? Galamai? Kecek aciak, urang di Jogja tu sadang baralek?” pakiak Mangkutak indak tabado.
    “Itulah bantuan dari Ai nan indak ka mungkin dikorupsi urang, Mang,” kato Sabai stil yakin sambia bajalan ka dapua.




    Link dengan situs-situs Dialektika, Logika dan Sistematika serta Toko Buku.
    nan AMPEK I ||   anggt. DPR-DPRD ||   Syair Berhaji ||   RASO-PARESO ||   Kisah PRRI ||   PITARUAH AYAH ||
    Situs komunitas nagari.org mulai dibangun th. 2002, 2003 BPNK, 2005-v2, 2007-v3. All Right Reserved, Contact and Info : info@nagari.or.id
    This site support for MSIE 5.5+, Flash 5+, JavaScript, 800 x 600 px