Patah lidah tando ka kalah, patah karih tando ka mati

Nan rajo tagak di barih, pangulu tagak di undang

Gantang tatagak jo lanjuangnyo, sumpik tatagak jo isinyo

Disusun jari nan sapuluah, ditakuakkan kapalo nan satu

Nan cadiak yang tahu pandai, rang mudo salendang dunie

Ditiliak dikanang-kanang, diranuangkan saabih pikia

Iyo dek siriah nan bagagang, nyato dek pinang nan batampuak

Indak lapuak dek ujan, indak lakang dek paneh

Siang diptungkek, malam dipakalang

Malu jo sopan nan tak abih, baso jo basi nan tak putuih

Nan tuo dimuliekan, nan ketek disayangi, samo gadang bao bakawan

Kalau manimbang samo barek, jikok maukua samo panjang

Duduk surang basampik-sampik, duduak basamo makonyo lapang

Gapuak indak mambuang lamak, cadiak indak mambuang kawan

Nan buto paambuih lasuang, nan pakak palatuih badia

Tumbuah tuah dek sakato, tumbuah cilako dek basilang

Manggantiak baujuang kuku, bakato basalin lidah

Manjambo bauleh tangan, maambuih basaluang api

Nan lai samo dimakan, nan indak samo dicari

Hati tungau samo dicacah, hati gajah samo dilapah

Bajalan salangkah madok suruik, bakato sapatah dipikiri

Nan elok samo dipakai, nan buruak samo dibuang

Alun baluak Tanah Data, alun ba Agam Balai Gurah

Babukik bagunuang tinggi, balurah ba tanah data

Padang alun balanggundi, parak balun babintalak

Habih hari babilang pakan, habih pakan baganti bulan

Damai dakek, sangketo jauah

Di sinan ayam lah bainduak, di situ siriah lah bajunjuang

Tumbuah pikiran dek nan cadiak, datang rancangan dek nan pandai

Barek samo mamikua, ringan samo manjinjiang

Jarang karajo indak manjadi, pantang bangkalai indak sudah

Basikuek ka nan baiak, basicapek ka nan elok

Bapak kayo mandeh baameh, mamak disanjuang urang pulo

Samak dalam hutannyo labek, tanah payo bancahnyo dalam

Babancah bapadang-laweh, babukik balurah dalam

Nan bancah jadikan sawah, nan darek jadikan ladang

Dek tahun musin bakisa, dek zaman maso baraliah

Kok maatok sambia duduak, nan manurang sambia tagak

Baitu warih nan dijawek, co itu tutua nan di danga

Batang gadang, daunnyo rimbun, badahan barantiang banyak

Satitiak jadikan lauik, sakapa jadikan gunuang