Warih nan ka manjawek, pusako nan ka batolong

Bulek lah bisa digolongkan, picak lah buliah dilayangkan

Sampai ka dusun jo taratak, masuak ka koto jo nagari

Bahimpun niniak dengan mamak, sarato tuangku jo pangulu

Pangulu banyak nan sati, rang gadang banyak nan batuah

Silang nan bapangka, karajo nan bapokok

Lah bulek ayia ka pambuluah, lah bulek kato ka mupakaek

Cupak diisi, limbago dituang

Sumbayang dibari bawakatu, janji dibari bakutiko

Buruang indak sakali inggok, padi indak sakali masak

Golek dibao ka nan data, jauah dibao ka nan dakek

Baiyo-iyo jo kakak, batido-tido jo adiak

Anak sarupo anak balam, slkua jantan sikua batino

Cupak panuah, gantang balanjuang

Pikiaran indak sakali tibo, pangana indak sakali datang

Kok datang alah babukakkan pintu, kok duduak alah babantangkan lapiak

Tuah alek rami, tuah karajo lah manjadi, tuah naguri lah salamaek

Pandang jauah lah balayangkan, pandang dakek alah batukiakkan

Gadang di ambak, tinggi di anjuang

Tiok tanjuang maadang liku, tiok liku maadang kelok

Kato ditingga jo mupakaek, rundiang disimpan dalarn barih

Alah di rasuak manjariau, alah digarih nan bapaek, alah di lae lakek atok

Kato bajawab, gayuang basambuik, sambah bakumbalikan

Baalam laweh, bapadang lapang

Basuri tuladan kain, bacupak tuladan gantang

Pasa jalan dek batampuah, apa kaji dek baulang

Kapa lah sarek jo muatan, biduak lah langkok jo pandayuang

Jauh alah bajalang, dakok alah baturuik

Kok manggali alah tanapa, ibaraek manimbo alah takasiek

Labuah tabantang alah ditampuah, jalan baliku alah dituruik

Kasiek takaka alah dipijak, batu basusun alah dilangkahi

Duduak nan maurak selo, tagak nak maayun langkah

Nan diama alah pocah, nan dimukasuik alah sampai

Tampek tingga ba ampia-ampia, tampek malam balain-lain

Kok makan lah taraso konyang, kok minum lah lapeh auih

Bukan basisiah jo basibak, indak bainggo jo babateh

Jikok dokek cinto-macinto, jikok jauah jalang-manjalang

Jauah mancari suku, dokek mancari indu

Bak tangan suok jo tangan kida, walau bacarai indak bapisah