Warih nan ka manjawek, pusako nan ka batolong

Palilik anak kamanakan, panjarek aka budinyo

Nak kokoh lua jo dalam, nak jinak supayo nyo tanang

Ka manjapuik dagang nan jauah, ka panyonsong panggilan tibo

Lah sayuik mato dek mamandang, lah leba talingo dek mandanga

Di ateh suaro nan didanga, di ateh rupo nan diliek

Dipasang niaek jo kaua, dibaka kumayan putiah

Asok manjulang ka ateh langik, baun satahun palayiaran

Nak paham di murah maha, nak tahu di labo rugi

Nak tahu sah dengan bata, nak tahu di hala haram

Pandai maeto jo maukua, pandai maagak jo maagiah

Kilek camin lah ka muko, kilek baliuang lah ka kaki

Limpapeh rumah nan gadang, sumarak anjuang paranginan

Nan bak bidai-bidai rang kini, nan bak andai-andai rang daulu

Diinang jo diasuah, dijunjuang bagai mangkuto

Dibalikan subang jo galang, baganto ameh balapih

Ditunjuak diajari, dididik adaek sopan jo santun

Umua cukuik, bilangan sudah

Dipikia-pikia dalam hati, dikana lalu dimanuangkan

Pandang lakek, patuik lah sudah

Muluik manih, kucindan murah

Arok di nan ka buliah, cameh di nan ka tido

Ditingkek janjang, ditapiak bandua

Mamintak kapado nan Kuaso, bakaua ka nan kiramaek

Batarnu rueh dengan buku, sasuai batang kajunjuangan

Pintak sadang ka buliah, kandak sadang ka balaku

Kok manabang lai di pangka, manjuluak lai di buah

Sanang rasonyo di hati, sajuak di dalarn kiro-kiro

Tau diribuik ka mandingin, paham di ombak ka mamacah

Bak jangguik pulang ka daguak, bak ayam pulang ka pautan

Bajalan siganjua lalai, pado pai suruik nan labiah

Dari bukik datang manurun, dari lurah tibo mandaki

Nan buto datang bairik, nan lumpuah datang badukuang

Nan jauah dikirin surek, nan dakek dilapeh panggia

Kok litak lah diedangkan nasi, kok auih lah dituangkan ayia

Balayia ba nangkodo, bajalan ba nan tuo, duduak jo nan pandai

Pangulu sa ukun, tuangku sa kitab

Di laulk padang parahu, di nagari padang pangulu

Bisiak alah kadangaran, imbau alah kalampauan

Mancari bulek nan sagolong, mancari picak nan satapiak

Ingek diunak ka manyangkuik, ingek dibatang ka maimpok

Rundiang elok talempoang kato, lamak bak santan jo tangguli