sejarah
Hari ini Selasa tanggal 21 November: pada tahun 1694 Voltaire, filosof Perancis lahir
HALAMAN UTAMA
HUBUNGI KAMI
ENGLISH VERS.
MINANG KABAU
BUKU TAMU
BAGALANGGANG
BANGUN NAGARI
  • Lhk Tnh Data[16-76]
  • Lhk Agam[4-73]
  • Lhk 50 Koto[9-76]
  • Pasaman[0-30]
  • Pasaman Brt[2-19]
  • Pesisir Sltn[0-36]
  • Sijunjuang[1-45]
  • Dharmasraya[0-21]
  • Solok[0-75]
  • Solok Selatan[0-13]
  • Pdg Pariaman[0-46]
  • Kt Bukit Tinggi[0-5]
  • Kt Padang[0-22]
  • Kt Pdg Panjang[0-4]
  • Kt Payakumbuh[0-7]
  • Kt Pariaman[0-9]
  • Kt Swh Lunto[0-14]
  • Kt Solok[0-1]
  • Surat Gubernur
  • PESAN ADMIN
    1. Untuk menindaklanjuti surat Gubernur kepada Rektor Perguruan Tinggi ttg. pembangunan nagari-nagari saiber, dan sesuai dengan kesepakatan masyarakat SB untuk 'Baliak ba nagari, kambali ba Surau' maka kini saatnya Generasi Muda mengambil peran

    2. Webmaster-Admin (73 th.) bersedia memberi petunjuk gratis cara pembuatan situs semacam itu kepada anak-kemenakan/mahasiswa.

    2. Praktekkan ilmu yang telah Anda pelajari di sekolah-sekolah khususnya ilmu Komputer/komunikasi

    3. Waktu bagi anak-anak muda, tak boleh dibuang percuma hanya karena 'sedang gilo maliek baruak barayun' di panggung-panggung hiburan, di televisi dan di mal-mal.

  • Calon Promotor
  • Masalah Besar I
  • Masalah Besar II
  • Malu indak dibagi
  • Asalnya Masalah
  • Agenda Kita
  • Nan Berprestasi

  • Batuka pandapek dgn urang nan didahulukan salangkah, ditinggikan sarantiang:

  • Gubernur SB: Waktu dalam konfirmasi !

  • L.K.A.A.M - S.B
    Minggu pertama, malam pk. 20.00 - 22.00 setiap bulan atau konfirmasi ke: 0812 661 6986

  • Ketua DPRD Sumbar: Waktu dlm konfirmasi !
  • Bakirim email unt. Mamak:
  • di LKAAM
  • di DPRD
  • di DPD

  • GURITIAK dari PALANTA MAK SATI
  • PRRI di Nagari Sulik Aie - 995819
  • Tiga Peristiwa Tragis di nagari Batipuah - 1054071
  • PRRI di nagari Tabek Sw. Tangah - 1064827
  • Para pemuda Talang dilepas menuju front Juang - 1125664
  • Tugu untuk mengingat PRRI di nagari Muaro Paneh - 1302742
  • 17 orang pemuda Sitalang berangkat ke Silapiang menjadi pejuang PRRI - 1526730
  • Nagari sebagai Unit Kesatuan Keamanan dan Pertahanan - 1429752
  • Nagari sebagai Unit Kesatuan Ekonomi - 1437064
  • P.R.R.I di nagari Rao Rao: Pendidikan di saat perang - 1559084
  • PRRI dalam Pergolakan Daerah th. 1950-an - 1440634
    Lihat Judul-judul Guritiak lainnya

  • Sabai & Mangkutak & JilaAtang di jaman Digital (Wisran Hadi)

  • Orang Minang
  • Paham di nan Duo
  • Cupak nan Duo
  • Alexander the Great
  • Takana jo kawan!
  • Penyumbang situs
  • Toko Buku UNP
  • Unduh yg Diperlukan

  • PRRI di Kt. Anau
  • PRRI di Simarasok
  • Menjaga M. Natsir
    di Rimba Masang
  • Telah dibaca oleh: 63143 orang.

    Ilmu Makrifat Stephen Wolfram

    Dikarang oleh : Si Am Dt. Soda

    Dalam risau babaik sangko, dalam rusuah bahati sanang

    Pagi ko palanta Mak Sati lain daripado hari-hari biaso.
    Di pintu ka masuak tagak bak cando panarimo tamu.
    Meja palanta agak sandereh, tampaknyo.

    Mak Sati ado acara agak khusus.

    Sagalo nan tibo langsuang disilakan makan. Mungkin ado rundiangan jo kawan-kawan sa gurau.
    Moto Mak Sati, barundiang sudah makan, batanyo lapeh jariah.

    "Ateh inisiatih Maruhun Sipado, Angku-Angku ambo undang ka mari.

    Masalahnyo tantu lah jaleh dek angku-angku, karano sarangkek jo surek undangan , ambo lampirkan surek gubernur nan ditujukan kapado Bupati dan Rektor di Sumbar untuak ditaruihkan ka seluruh anak-nagari sarato mahasiswa generasi penerus.
    Surek Gubernur ko tabaco dek si Usuik katiko inyo main internet.

    Inyo download dan ambo copykan, itulah nan di tangan angku-angku kiniko !

    "Baiklah, kini kito mulai rapek, dan ambo mintak simposium palanta iko dipimpin oleh Maruhun Sipado."
    "Asalamualaikum ww. " Maruhun Sipado mamimpin rapek dari kurisi tinggi.
    "Angku-Angku sa propesi, surek Gubernur Sumbar lah Ambo kumpa." Isinyo sbb.

    1. Surek tu ditulih tanggal 15 September 2004, aratinyo lah baumua tujuah bulan.
    2. Surek ditujukan ka seluruh Bupati dan Rektor Perguruan Tinggi di Sumbar.
    3. Isi surek, Gubernur mamintak supayo Bupati mangajak warga nagarinyo mambangun saiber nagari masiang-masiang dan untuak tehnisnyo paralu dilibatkan mahasiswa.

    Pertimbangannyo karano mahasiswa tingga di kota-kota nan labiah banyak punyo fasilitas warnet

    "Si Usuik, sabananyo indak sangajo manamukan situs nan mamuek surek gubernur itu.

    Inyo main-main mamasuakkan kato-kunci: "minangkabau" ka masin pancari informasi Google, mako kalualah situs nagari.org nan lah dikunjuangi labiah dari 13.000 urang di seluruh dunia, mulai dari Canada sampai ka Argentina, dari Inggris langkok jo Perancis, indak katinggalan Rusia jo Malaysia, dari San Fransisco sampai Mexixo taruih ka Taronto, sadonyo bisa dibaco dalam informasi statistik nan indak mungkin direkayasa dek pambuaek situs !

    Aratinyo kamungkinan urang lua alah mambaco isi surek itu, tapi mereka heran baa mako indak ado link atau sambuangan ka nagari-nagari dan data-data kekayaan SDM sarato SDA nagari masih kosong malompong.

    "13.000 urang, itu jumlah nan indak saketek, apolai dari mancanagara, bak kato Mak Sati:

    Bisiak alah tadanga, himbau alah kalampauan. Malu awak !" Menan mamotong pambicaraan dan manaruihkan komentarnyo: Ibarat nagari, nan ba urang ampek jinih, surek ko datang dari pangulu Sumbar ditujukan ka kaum Cadiak-pandai, tarutamo anak-anak mudo.

    Elok kampuang dek pangulu, elok tapian dek urang mudo, urang mudo nan capek kaki ringan tangan, alun diimbau alah datang, alun disuruah alah pai !

    Gubernur, ibaraek pangulu nan dituokan alah mangaluakan surek, baitu pulo bupati-bupati sabagai pangulu di kabupaten tantu alah pulo manghimbau ka anak-nagari, mustahil mereka-mereka indak tahu, karano urang lua alah tahu.

    Co iko Menan, St. Mudo manyalo pembicaraan Menan: Mahasiswa awak kurang gizi, sahinggo indak basumangek mangarajokan hal-hal baru nan manggunokan pamikiran !

    Kito suruikkan gayauang ka balabeh, kito baliakkan kato ka mulonyo, atau hukum sebab-akibat kato urang moderen.

    "Menan tahu ndak, daulu, katiko mereka itu masih balita, di Sumbar tajadi musibah gadang, yaitu kakurangan gizi dan alhamdulillah barakek karajo samo jo pamarentah pusat masalah itu bisa ditanggulangi."

    "Tapi akibaitnyo tatap sajo mampangaruhi kahidupan anak-anak itu salanjuitnyo setelah mereka dewasa".

    "Mukasuit Sutan anak-anak itu kurang gizi !"

    "Itu indak mungkin Sutan !" si Usuik mamotong pandapek St. Mudo:

    "Ambo baco di koran Pusat duo bulan nan lalu, sabanyak lk. 20.000 anak-anak mudo, di Padang mampu mahoyak sambia bagoyang-goyang ikua di lapangan Imam Bonjol.

    "Dari pukua sabaleh siang sampai sabaleh malam atau duabaleh jam lupo makan, lupo sumbayang, dek karano mangikuti irama rock soundadrenaline". "Taraso nak taban bumi dibueknyo, pacah kandang talingo akibaitnyo."

    "Iko, kan prestasi luar biasa, nan indak mungkin karajo samacam itu dilakukan dek anak-anak kurang gizi nan Sutan teorikan itu." "Karajo itu mambutuhkan daya tahan fisik luar biaso".

    "Daulu, katiko mahasiswa di tampek lain alun tapikia mandudua-i bandara, mereka alah bainisiatip manutuik bandara Tabiang untuak mandemo pamarentah, itu kan pikiran kreatip namonyo !"

    "E, e itu indak kreatip, tapi demonstratip namonyo. Karajo samacam itu jikok ditiliak dikanang-kanang dan diranuangkan saabih pikia, alun basuo untuang-labonyo untuak urang banyak."
    "Mano mungkin bisa dikarajokan dek anak-anak kurang gizi !"

    "Kalau baitu, apo kiro-kiro panyabab mahasiswa indak tanggap ba nagari."
    "Mungkin mereka itu jarang pulang ka kampuang nan babancah-bapadanglaweh, babukik-balurah dalam, sahinggo lupo bahaso di bancah-bancah dan di bukik-bukik itu paralu dicarikan tanaman nan cocok, samacam rekayasa genetika."

    "Salain dari pado itu, indak ado pulo pendekatan jo urang kampuang, maklumlah mereka wakatu lahianyo sacaro administrasi berstatus sabagai anak desa, bukan sabagai anak nagari sarupo si Usuik". "Balain jo Si Usuik nan salalu taringek kampuang walaupun alah lamo marantau ka mancanagara salalu ingek jo kampuang karano Usuik wakatu ketek alah tabiaso hiduik banagari."

    "Angku-angku nan hadir, ruponyo seminar palanta awakko, jikok ditaruihkan bisa sampai tigo hari, tigo malam alun ka salasai, sabab banyak argumentasi nan dikamukokan, yang salamo iko alun sempat muncul."

    "Karano wakatu alah dakek magharib, kito-kito nan dudak saedaran, tagak nan sapimatang ko maambiak kasimpulan basamo."

    "Walaupun kalu lidah nak manyabuikkannyo, pacah makrifaek dek tuahnyo, nan surek gubernur itu tetap kito tunggukan realisasinyo dari nan mudo-mudo."
    Mak Sati baniat nak mamutuih pambicaraan.

    "Kito nan tuo-tuo indak diminta tangguang jawab ?" Maruhun baliak batanyo.

    "Ka nan tuo-tuo sarupo kito, diharapkan bimbiangan jo dorongan, sabantuak surek Gubernur itu."

    "Karano kito indak begitu menguasai tehnologi informasi, lagipulo kito indak ka lamo lai manunggu dunia, dan sadang basiap-siap pulang ka kampuang akhirat."

    "Balain jo kondisi urang mudo, wajib hukumnyo memahami dan terlibat di dalam informasi gratis nan sadang mendunia ko."
    "Kalau indak namuah terlibat, mako basiap-siap lah manjadi kuli atau babu bangso asiang dalam waktu indak lamo lai !"

    "Kedatangan dan pengaruahnyo indak bisa dibendung dengan caro apopun juo ! "

    "Urang alah sampai ka The New Kinds of Science (TNKS) Stephen Wolfram, nan ka memprogram seluruh aspek kehidupan dunia iko jo teori celulair automata nyo, sarupo isi caramah kiai tantang keteraturan-kekuasaan Tuhan atau ilimu makrifat, tapi di lain pihak anak mudo awak, ado nan alun punyo email."

    "Indak mungkin informasi atau pangatahuan itu awak dapek dengan gratis, kalau awak indak bisa memanfaatkan maha-media nan banamo internet ko. "

    "Kalau baitu Pemda paralu manyadiokan sarana internet murah ?". Usuik bakomentar pulo.

    "Bana !" Jawek Mak Sati.
    "Kini sadang persiapan Pilkada Propinsi jo Kabupaten."

    "Nah itulah kesempatan urang awak, untuak mamilah Kapalo Daerah atau angku Palo nan basadio mamikiakan anak-kamanakannya untuak mancaliak ka dunia lua malaui media ilmu pengetahuan."
    "Indak Kapalo Daerah nan sibuak marancang, untuak maundang turis-turis kere, basirawa compang-campiang, basandal japik sarato mangidap virus HIV sarato batinonyo bakaliaran jo bikini kalua-masuak kampuang atau maundang investor pabirik gincu jo palengkapan pakain dalam padusi."

    "Urang awak di kampuang indak usah malu, kalau indak mampu mambangun rumah-rumah jo kantua-kantua mentereng di kampuang, asal anak-kamanakan awak indak ado nan dikaja-kaja Tramtib di kota-kota, karano tak punyo bekal ilmu pengetahuan untuak bausaho di rantau."

    Jaman alah batuka, musim alah baganti.

    Sambah talanjua minta maaf, kato tadorong minta rela, sakian !




    Link dengan situs-situs Dialektika, Logika dan Sistematika serta Toko Buku.
    nan AMPEK I ||   anggt. DPR-DPRD ||   Syair Berhaji ||   RASO-PARESO ||   Kisah PRRI ||   PITARUAH AYAH ||
    Situs komunitas nagari.org mulai dibangun th. 2002, 2003 BPNK, 2005-v2, 2007-v3. All Right Reserved, Contact and Info : info@nagari.or.id
    This site support for MSIE 5.5+, Flash 5+, JavaScript, 800 x 600 px