sejarah
Hari ini Selasa tanggal 21 November: pada tahun 1694 Voltaire, filosof Perancis lahir
HALAMAN UTAMA
HUBUNGI KAMI
ENGLISH VERS.
MINANG KABAU
BUKU TAMU
BAGALANGGANG
BANGUN NAGARI
  • Lhk Tnh Data[16-76]
  • Lhk Agam[4-73]
  • Lhk 50 Koto[9-76]
  • Pasaman[0-30]
  • Pasaman Brt[2-19]
  • Pesisir Sltn[0-36]
  • Sijunjuang[1-45]
  • Dharmasraya[0-21]
  • Solok[0-75]
  • Solok Selatan[0-13]
  • Pdg Pariaman[0-46]
  • Kt Bukit Tinggi[0-5]
  • Kt Padang[0-22]
  • Kt Pdg Panjang[0-4]
  • Kt Payakumbuh[0-7]
  • Kt Pariaman[0-9]
  • Kt Swh Lunto[0-14]
  • Kt Solok[0-1]
  • Surat Gubernur
  • PESAN ADMIN
    1. Untuk menindaklanjuti surat Gubernur kepada Rektor Perguruan Tinggi ttg. pembangunan nagari-nagari saiber, dan sesuai dengan kesepakatan masyarakat SB untuk 'Baliak ba nagari, kambali ba Surau' maka kini saatnya Generasi Muda mengambil peran

    2. Webmaster-Admin (73 th.) bersedia memberi petunjuk gratis cara pembuatan situs semacam itu kepada anak-kemenakan/mahasiswa.

    2. Praktekkan ilmu yang telah Anda pelajari di sekolah-sekolah khususnya ilmu Komputer/komunikasi

    3. Waktu bagi anak-anak muda, tak boleh dibuang percuma hanya karena 'sedang gilo maliek baruak barayun' di panggung-panggung hiburan, di televisi dan di mal-mal.

  • Calon Promotor
  • Masalah Besar I
  • Masalah Besar II
  • Malu indak dibagi
  • Asalnya Masalah
  • Agenda Kita
  • Nan Berprestasi

  • Batuka pandapek dgn urang nan didahulukan salangkah, ditinggikan sarantiang:

  • Gubernur SB: Waktu dalam konfirmasi !

  • L.K.A.A.M - S.B
    Minggu pertama, malam pk. 20.00 - 22.00 setiap bulan atau konfirmasi ke: 0812 661 6986

  • Ketua DPRD Sumbar: Waktu dlm konfirmasi !
  • Bakirim email unt. Mamak:
  • di LKAAM
  • di DPRD
  • di DPD

  • GURITIAK dari PALANTA MAK SATI
  • PRRI di Nagari Sulik Aie - 995832
  • Tiga Peristiwa Tragis di nagari Batipuah - 1054094
  • PRRI di nagari Tabek Sw. Tangah - 1064844
  • Para pemuda Talang dilepas menuju front Juang - 1125681
  • Tugu untuk mengingat PRRI di nagari Muaro Paneh - 1302761
  • 17 orang pemuda Sitalang berangkat ke Silapiang menjadi pejuang PRRI - 1526758
  • Nagari sebagai Unit Kesatuan Keamanan dan Pertahanan - 1429777
  • Nagari sebagai Unit Kesatuan Ekonomi - 1437081
  • P.R.R.I di nagari Rao Rao: Pendidikan di saat perang - 1559110
  • PRRI dalam Pergolakan Daerah th. 1950-an - 1440654
    Lihat Judul-judul Guritiak lainnya

  • Sabai & Mangkutak & JilaAtang di jaman Digital (Wisran Hadi)

  • Orang Minang
  • Paham di nan Duo
  • Cupak nan Duo
  • Alexander the Great
  • Takana jo kawan!
  • Penyumbang situs
  • Toko Buku UNP
  • Unduh yg Diperlukan

  • PRRI di Kt. Anau
  • PRRI di Simarasok
  • Menjaga M. Natsir
    di Rimba Masang
  • Telah dibaca oleh: 65013 orang.

    Buyuang Tasulo Kayie

    Dikarang oleh : Bambang Trisman

    Namo nan diagiah dek urang gaeknyo sabananyo Syafrul.
    Dek karano barasa dari Turawan Tigo Koto, baliau manambah namonyo jo kapendekan dari namo kampuangnyo Tutiko.
    Katiko basikola di Bukittinggi, kawan-kawannyo maimbau namonyo Rul Tutiko.

    Tapi, namo sarupo itu indak laku di lapau Mak Sati.
    Urang lapau labiah tabiaso jo namo keteknyo, Purun.
    Dek kulikaiknyo satiok maiyokan jo kato tancap, urang lapau manambah pulo namo keteknyo itu manjadi Purun Tancap.

    Ampek taun nan lalu, urang ribuik-ribuik mancilotehkan masalah otonomi daerah.
    Kutiko urang Minang mandanga kaba nantun, rami-rami pulo urang di palanta lapau Mak sati mencilotehkan otonomi nagari.

    Kutiko diminta untuak bapandapek, si Purun manjawek hanyo jo kato "tancap" sajo karano inyo indak mangarati jo ciloteh urang nantun.
    Kutiko urang rami-rami bacurito tantang mukasuik urang nak ka babaliak ka caro banagari, urang salapau badebaik pulo tantang caro hiduik banagari nan ka dikumbalikan itu.

    Purun masih manjawek ciek kato sajo kutiko diminta pandapeknyo dek Pakiah Maruhun.

    "Baa kiro-kiro tu Purun?" Tanyo Pakiah Maruhun.
    "Tancap, Mak Pakiah", jano Purun sakanainyo".
    "Baa mangko tancap ka tancap sajo, Run?" Tambah Pakiah Maruhun.
    "Ka baa juo lai, Mak Pakiah.
    Urang kini nan pantiang tampaknyo tancap sajo dulu. Hetongan bisuak, caliaklah bisuak sajo", jawek Purun.

    Tambahan namo Tancap di muko nama Purun manjadi masahua dek karano kato itu hampia sajo mancilakokan urang banyak.
    Kutiko rombongan urang palau pai baburu ka Palangkih, Purun ikuik pulo.
    Inyo duduak pas di balakang sopir.
    Manjalang Kelok Padang Lintang, Buyuang Medan-sang sopir-agak tagagau dek mancaliak induak-induak nan hanyo pakai indorok jo kutang sajo pulang dari aie.
    Sambia mancaliak induak-induak tu, Purun parungah pulo.
    Tapi, nan kalua dari muncuangnyo kato "tancap" jo suaro nan langkiang.

    Buyung Medan nan sadang tagagau tu takajuik mandanga suaro Purun.
    Gas oto ditambahnyo, tapi pangananyo indak ka jalan. Cando kambiang takajuik, oto Buyuang Medan mandongkak kareh mahantam batang anau.
    Ikua oto tu tasarampang di batang dama.
    Kok indak ado batang dama nantun, mungkin sadoalah panumpang Buyuang Medan-tamasuak Purun--indak kan pernah mangunyah buah jarami lai.

    Sasudah kajadian tu, Buyuang Medan malewakan tambahan namo Purun jo Tancap.
    Tamasahualah Purun Tancap di kalangan komunitas lapau Mak Sati.
    Kajadian di Padang Lintang itu ruponyo mandatangkan parasaan indak lamak juo di hati Purun.

    Satiok ado di lapau mak Sati, tatap inyo sajo dan manjadi sumber cameeh dek urang salapau. Purun indak bisa berang karano inyo juo pancimeeh.
    Namun, inyo bana-bana mati kutu dek "tubo mancik" Buyung Medan.
    Sajak kajadian tu, Purun salalu talambek mancimeeh.
    Mancaliak perkembangan cimeeh di lapau Mak Sati alah mulai manyusahkannyo, Purun pun indak kahabisan aka.

    Disulonyo Buyuang Medan jo ota tantang otonomi daerah dan rencana hiduik urang Minang babaliak ka caro banagari.
    Buyuang Medan tamakan sulo Purun nantun.

    "Tampaknyo, lapau ko harus punyo harus punyo otonomi pulo dalam bagurau", kecek Buyuang Medan mangajuikan urang salapau.
    "Tancap!", jawek Purun sambia maliek sendeng ka arah Buyuang.

    "Kalau Purun alah mangatokan tancap, bararti saisi lapau alah tancap pulo tu mah, Buyuang", kecek Mak Sati sambia mangumpuakan kulik kacang nan taserak di meja muko Purun.

    "Apo pulo otonomi nan ka diagiahkan ka lapau Mak Sati iko, Buyuang?" Tanyo Malin Sulaiman agak heran.
    "Tampek biaso se, Mak.
    Urusan lapau lah jaleh sapanuahnya manjadi hak Mak Sati.

    Kalau Purun nak mancuci galeh surang, Mak sati tantu indak buliah malarang karano itulah cito-cito Purun dari ketek.
    Purun iyo sabana manakah bakarajo jo Mak Sati", jawek Buyuang sambia manggemai tangan kida Purun.

    "Otonomi macam apo pulo, tu Buyuang?" Tanyo Purun mambaleh gemai Buyuang.
    "Indak jaleh dek aden tu. Otonomi kato urang, otonomi pulo kato den.
    Dek karano itu, itulah otonomi untuak urang punyo lapau.
    Ado pulo otonomi untuak awak basamo.
    Nan berhak manantukan iyo kito basamo pulo", jawek Buyuang.

    "Apo contohnyo?" Tanyo Mak Lenggang.
    "Awak bebas mamilin daun anau jo timbakau di lapau Mak sati nangko.
    Tapi, daun anau jo timbakaunyo balilah ka Mak Sati", jawek Buyuang padek.
    "Ambo satuju tu, Yuang", kato Mak Sati Manyaringai.

    "Kok kamauntuangkan, Mak Sati langsuang satuju", kato Mak Lenggang sambia manikkan kungkangnyo kaki atas kurusi.
    "Kan banyak juo urang awak nan bak nantun kini.
    Tapi, lapau ambo jan diganti namo pulo manjadi Lapau Satuju", kato Mak Sati sambia mancaliak ka arah Purun.

    "Indak cocok doh, Mak Sati.
    Nan satuju kan surang Mak Sati sajo", jawek Buyuang Medan sambia mancibia ka arah Mak Sati.
    "Kalau baitu, kama arahnyo, Yuang?" Tanyo Lenggang indak saba. "Cimeeh-mancimeeh di lapau kan alah biaso.
    Untuak manjago tradisi ko, paralu ado undang-undang khusus untuak urang palapau.
    Kok dapek, undang-undang tu ditulih gadang-gadang di dindiang ko", kato Buyuang Medan sambia manunjuak ka arah dindiang nan nyo mukasuik.

    "Apo bunyi undang-undang tu, Yuang?" Tanyo Sutan Mantiko baranjak ka bangku panjang paliang ujuang.
    "Apo garan tadi, Purun?" Tanyo Buyaung sambia malekokkan kapalonyo ka arah Purun.
    "Antene angku iyo randah.
    Lah sajaleh itu cako den bisiakkan, masih sajo lupo.
    Jan dimakan juo pil palupo itu yo ", kecek Purun.

    Tasengeng sajo Buyuang Medan mandanga kato Purun nantun.
    Indak lamo sasudah tu, Buyuang Medan tagak sambia bapidato ka urang salapau.

    "Ado tigo pakaro nan manjadi syaraik untuk awak-waka urang palapau.
    Partamo, awak suko mancimeeh.
    Kaduo, awak namuah dicimeeh.
    Katigo, awak indak berang di cimeeh", kato Buyuang maniru suaro Mak Sati.

    "Tancaaaaaap", jawek Purun sambia kalua dari Lapau Mak Sati.
    Tagalak urang salapau mandanga undang-undang nan alah dibacokan Buyuang tadi.
    Sambia galak, urang salapau basorak maimak kato "tancap".
    Jaini langsuang baambiak spidol dan manulihkan undang-undang nantun di karateh karton bakeh punyo Mak Sati.
    Sudah tu, dilakekkannyo karateh nan barisi undang-undang duduak di Lapau Mak Sati itu di kaco pintu sabalah lua lapau nantun.

    Kutiko hari alah mulai sore, komunitas lapau Mak Sati masih banyak nan alun baranjak dari duduaknyo.

    Tapi, indak tadanga galak gadang Mantari Pono.
    Ruponyo, komunitas lapau Mak Sati sadang serius mampakecekkan usul Jamain untuak maadokan acara tulak bala guno manjauhkan Kampuang Lereang dari sakalian bala.

    Sadang-sadang bajadi batuka kato, Purun tagak sambia tasengeang. Dari subarang jambatan arah dari Kubu, Purun maliek Buyuang Medan jo bininyo-Upiak Gadiah--sadang mairiangkan duo ikua kabaunyo nan ka dibao ka kandang.

    Maliek Buyuang Medan bacando nantun, tagalaklah Purun Tancap.
    Tabik pangananyo ka mancubokan undang-undang nan alah dibuek tadi.

    Inyo yakin Buyuang Medan bisa dijadikan hiburan gratis dek urang salapau.
    Buyuang Medan agak takajuik juo kutiko maliek urang masih banyak di lapau Mak Sati. Ka manyuruikkan langkah, rasonyo indak mungkin lai.

    Nan bininyo, indak juo arih. Pariuk nasinyo tu indak juo bajalan dulu, tapi tatap di sabalah suok Buyuang Medan.
    Indak kama rasonyo ka maandok kutiko inyo liek Purun Tancap alah malangok di pintu lapau.

    "Kama babao kambiang tu, Yuang?" Tanyo Purun sambia bakacak pinggang.
    Tapurangah Buyuang Medan mandanga tanyo Purun nantun.
    Raso ka dimakannyo tali kabau nan dipaciknyo dek Manahan rabo.

    Indak takana lai kato-kato nan kamanyambuik gayuang Purun. "Buto mato ang, Purun.
    Sagadang ko kabau den, ang katokan kambiang", kecek Buyuang Medan maariak kancang marantak bumi.

    Tasumbua galak urang di lapau mandanga pakiak Buyuang Medan nantun.
    Tagageh bininyo maninggakan Buyuang mandanga pakiak lakinyo nantun.
    Cando kudo diagiah Tarason, bini Buyuang mendongkak maninggakan tampek nantun.
    Tali kabau nan bagajalauan diguluangkannyo ka tanduak kabau nantun.
    Sudah tu, dibiakan sajo kaduo kabau nantun mandudu pai arah Parak darek.
    Jo muko merah padam, Buyuang masuak ka lapau Mak sati.
    "Alah rusak bana mato ang Purun sahinggo salah caliak baitu?" Kecek Buyuang ke Purun Tancap agak bangih.

    "Eh. Susah dek ambo mambedokan nan Buyuang iriangkan itu kabau atau kambiang.
    Zaman kini, ado kambiang nan sabananyo kabau.
    Baitu juo sabaliaknyo, Yuang", jawek Purun Tancap sarupo babisiak.


    Barulah sadar Buyuang Medan mandangakan kato-kato Purun Tancap nantun.
    Innyo pernah mancimeehkan Purun Tancap karano siang bolong baindehoi jo bininyo di Balai-Balai Turawan.
    Kutiko itu, Purun dikatokan kambiang dek Buyuang Medan karano indak malu mangawan di tampek urang rami.

    Ruponyo, cimeehnyo tu dibaliakkan dek Purun Tancap ka Buyuang Medan.
    Mancaliak rabo Buyuang agak tasuruik, Purun manunjuak karah pintu.

    "Tancaaaaaaaap, Yuang!" Kato Purun sambia manirukan suaro bencong.
    "Mandeh ang.
    Bini den ang katokan kambiang", kato Buyuang pai manyaringih.

    "Ingek undang-undang duduak di lapau Mak Sati, Yuang!" kato Purun satangah maariak kutiko Buyuang lah mailang di baliak kelok musajik.
    "Tancaaaaaaap", kato urang salapau sarantak maliek Buyuang mati kutu.




    Link dengan situs-situs Dialektika, Logika dan Sistematika serta Toko Buku.
    nan AMPEK I ||   anggt. DPR-DPRD ||   Syair Berhaji ||   RASO-PARESO ||   Kisah PRRI ||   PITARUAH AYAH ||
    Situs komunitas nagari.org mulai dibangun th. 2002, 2003 BPNK, 2005-v2, 2007-v3. All Right Reserved, Contact and Info : info@nagari.or.id
    This site support for MSIE 5.5+, Flash 5+, JavaScript, 800 x 600 px