sejarah
Hari ini Selasa tanggal 21 November: pada tahun 1694 Voltaire, filosof Perancis lahir
HALAMAN UTAMA
HUBUNGI KAMI
ENGLISH VERS.
MINANG KABAU
BUKU TAMU
BAGALANGGANG
BANGUN NAGARI
  • Lhk Tnh Data[16-76]
  • Lhk Agam[4-73]
  • Lhk 50 Koto[9-76]
  • Pasaman[0-30]
  • Pasaman Brt[2-19]
  • Pesisir Sltn[0-36]
  • Sijunjuang[1-45]
  • Dharmasraya[0-21]
  • Solok[0-75]
  • Solok Selatan[0-13]
  • Pdg Pariaman[0-46]
  • Kt Bukit Tinggi[0-5]
  • Kt Padang[0-22]
  • Kt Pdg Panjang[0-4]
  • Kt Payakumbuh[0-7]
  • Kt Pariaman[0-9]
  • Kt Swh Lunto[0-14]
  • Kt Solok[0-1]
  • Surat Gubernur
  • PESAN ADMIN
    1. Untuk menindaklanjuti surat Gubernur kepada Rektor Perguruan Tinggi ttg. pembangunan nagari-nagari saiber, dan sesuai dengan kesepakatan masyarakat SB untuk 'Baliak ba nagari, kambali ba Surau' maka kini saatnya Generasi Muda mengambil peran

    2. Webmaster-Admin (73 th.) bersedia memberi petunjuk gratis cara pembuatan situs semacam itu kepada anak-kemenakan/mahasiswa.

    2. Praktekkan ilmu yang telah Anda pelajari di sekolah-sekolah khususnya ilmu Komputer/komunikasi

    3. Waktu bagi anak-anak muda, tak boleh dibuang percuma hanya karena 'sedang gilo maliek baruak barayun' di panggung-panggung hiburan, di televisi dan di mal-mal.

  • Calon Promotor
  • Masalah Besar I
  • Masalah Besar II
  • Malu indak dibagi
  • Asalnya Masalah
  • Agenda Kita
  • Nan Berprestasi

  • Batuka pandapek dgn urang nan didahulukan salangkah, ditinggikan sarantiang:

  • Gubernur SB: Waktu dalam konfirmasi !

  • L.K.A.A.M - S.B
    Minggu pertama, malam pk. 20.00 - 22.00 setiap bulan atau konfirmasi ke: 0812 661 6986

  • Ketua DPRD Sumbar: Waktu dlm konfirmasi !
  • Bakirim email unt. Mamak:
  • di LKAAM
  • di DPRD
  • di DPD

  • GURITIAK dari PALANTA MAK SATI
  • PRRI di Nagari Sulik Aie - 995832
  • Tiga Peristiwa Tragis di nagari Batipuah - 1054094
  • PRRI di nagari Tabek Sw. Tangah - 1064844
  • Para pemuda Talang dilepas menuju front Juang - 1125681
  • Tugu untuk mengingat PRRI di nagari Muaro Paneh - 1302761
  • 17 orang pemuda Sitalang berangkat ke Silapiang menjadi pejuang PRRI - 1526758
  • Nagari sebagai Unit Kesatuan Keamanan dan Pertahanan - 1429777
  • Nagari sebagai Unit Kesatuan Ekonomi - 1437079
  • P.R.R.I di nagari Rao Rao: Pendidikan di saat perang - 1559110
  • PRRI dalam Pergolakan Daerah th. 1950-an - 1440654
    Lihat Judul-judul Guritiak lainnya

  • Sabai & Mangkutak & JilaAtang di jaman Digital (Wisran Hadi)

  • Orang Minang
  • Paham di nan Duo
  • Cupak nan Duo
  • Alexander the Great
  • Takana jo kawan!
  • Penyumbang situs
  • Toko Buku UNP
  • Unduh yg Diperlukan

  • PRRI di Kt. Anau
  • PRRI di Simarasok
  • Menjaga M. Natsir
    di Rimba Masang
  • Telah dibaca oleh: 69199 orang.

    Bacirabuik Lonte

    Dikarang oleh : N. I. St. Sati

    "Angku-angku nan hadir! Apo arati PEKERJA SEKS KOMERSIAL".
    Mangkuto mamulai pambukak kato di palanta Mak Sati.
    Partanyaan sangajo dikamukokannyo untuak mamanciang reaksi kawan-kawan mengenai kajadiaan baru-baru ko, nan dibaritokan pers dan televisi nasional yaitu penyerangan kantua Polisi Pamong Praja kota Padang.

    Tantang kantua Polisi Negara nan diserbu anggota masyarakat, lah banyak tajadi di babagai tampek sahinggo indak tapek dijadikan tema simposium tingkek palanta samacam iko.
    "Pekerja sex aratinyo urang nan bakarajo bajualan 'barang' di dirinyo."

    Pekerja artinyo samo jo bakarajo untuak mandapek pitih sarupo pekerja pabrik, pekerja rumah sakik, perawat, pekerja sarupo ambo nan bakarajo mambantu Mak Sati. Usuik mancubo manyambuit tema nan dikamukokan Mangkuto.
    Oleh sabab itu paralu ado upaya kenaikan pangkat-jabatan, kenaikan gaji, peningkatan keterampilan, pelatihan-pelatihan, cuti haid, cuti hamil, dan hak-hak buruh lainnyo.

    "Kalau baitu, istilah tu indak cocok jo budaya awak, sabab sia nan ka manjadi pelatih, dan satahu ambo PSK itu salalu diburu-buru kamtibmas".
    Jawek Ajo Udin sambia mengaluakan pandapeknyo: "Manuruik ambo mukasuiknyo Wanita PENGHIBUR".
    "Kalau penghibur, bisa diresmikan status tampek usaho atau lapaunyo sarupo lapau ubek Mak Sati ko". St.Kayo mangaluakan pandapek pulo: Wanita Tuna Susila, nan indak punyo kasusilaan.
    Karano katigonyo punyo pandapek masiang-masiang nan diambiak dari bahaso Indonesia Jawa, bukan bahaso Indonesia caro awak, mako labiah elok kito pakai istilah awak sajo.

    Katigonyo sakato manyabuik PSK itu sabagai "LONTE" sajo.
    "Aeh, lonte ? jaleh di awak tu,"solo ajo Udin.
    "Dek namonyo bapaaluih, di sinan pulo aparat/limbago pangaman di Padang indak malu-malu lai bacakak mamparabuikkannyo" tgl 28 April 2005 nan lapeh.

    "Manuruik Bandaro, sia nan malu dalam peristiwa tu? Sabuikkan alasannyo!,
    Mak Sati mintak pandapek Bandaro Kayo.
    "Nan malu, Walikota Padang, karano anak buahnyo luko-luko, bibianyo pacah-pacah, kaniangnyo badarah-badarah katiko manjalankan tugas!".
    "Sutan Kayo, silakan".
    "Nan malu Kapoltabes, karano anak buahnyo bacakak bauleh tangan, mambao dan malatuihkan sinjato api, sarupo nak mamburu bandit kelas kakap ".

    Malin Marajo manangahi pulo. "Nan malu urang Minang, karano duo aparat/limbago di kampuang awak bacakak bacirabuik Bika baulek.
    "Usuik, sia nan malu? Manuruik ambo nan malu bini polisi, nan lakinyo punyo simpanan lonte." Manuruik kaba nan ambo baco di koran, penyerangan itu tajadi karano nan kanai razia tu adolah bini simpanan oknum penyerang."
    "Kasimpulan, sado urang mandapek malu dibueknyo", Mak Sati manyimpulkan
    "Kini komentar, silakan Malin Bandaro"
    Malin Bandaro mambari komentar. "Peribahaso urang awak babunyi,

    Sakali marangkuah dayuang, duo tigo pulau talampaui, sakali mambukak puro, duo tigo utang tabayia, sakali manggauik kada, tigo sendok kalempeang tangga.
    Kajadian nan kini ko (barabuik lonte) labiah hebaek dampaknyo, yaitu sakali mambuek ulah sagalo urang manangguang malu.
    "Ambo sato ciek bakomentar",

    Silakan Indomo".
    Apo batua nan dirazia polisi PP itu lonte, sabab mereka nan dirazia itu mengadu ka polisi.
    Mereka mangaku indak lonte doh, tapi hanyo warga-nagara nan bakarajo malam hari di tapi jalan remang-remang.

    Aa karajonyo, awak indak bisa mambari jawaban nan pasti, karano di nagari pancasila Indonesia ko, indak paralu adat, tapi labiah pantiang hak asasi mancari pitih surang-surang jo asas praduga tak bersalah.
    Karano lonte ko disabuik pekerja sex komersial, mako inyo baru bisa dibuktikan sabagai lonte kalau lah ado kwitansi resmi dari penerimo jasonyo !
    Atau tatangkok sadang bugil baduo tanpa surek nikah.
    Baliak kapado tema diskusi, Pono mancubo barargumentasi pulo. "Komentar ambo sia nan manyarang",
    Kaduo limbago nan bacakak tu indak dapek manantukan sia nan manyarang atau indak amuah mangaku bak raso kalompoknyo nan manyarang.
    Kok di ambo untuak manantukan sia nan manyarang, di caliak tampaek kajadian.

    Kok tajadi di tampaek awak, aratinyo urang nan manyarang.
    Kok tajadi di tampaek urang, tandonyo awak nan manyarang, Tarimo kasih".
    Tuangku Rizal manjegek nak bakumentar. "Silakan Tuangku!"
    "Ado urang bacakak, sampai bapalun-palun, tindiah-manindiah, sampai tapanca cirik dalam sarawa."
    Katiko dilarai, ado nan batanyo, cirik sia nan tapanca. Urang nan malarai batanyo, "Dima cirik tu?" Jawabnyo, "Dalam sarawa den".
    "Tantu waang nan tacirik". Sakian komentar Ambo".
    " Tarimo kasi, Angku Rizal, conto Angku ngeno nian !"

    Angku-angku nan hadir. Dari pandapek dan komentar Angku-angku, Ambo cubo maambiak kasimpualan, sabagai saran dari partamuan di palanta Mak Sati ko.
    Awak cubo mananam mumbang, kalau untuang tumbuah kalapo.
    Saran nan dimukasuik sarupo iko.
    Aparat nan barado di Sumbar,

    1. Harus tahu di ribuik kamandingin, tahu di ombak kamamacah, tahu di ujuik kato sampai.
    2. Kok manyuruak hilang-hilang, mancampakkan jauah-jauah, mauleh indak mangasan, mambuhua jan badungkua, jan maandok di lalang salai. Kok inyo indak mangarati ambo tambahkan jo peribaso eyangnyo si Upiak: Mikul nduwur, mendem njero!
    3. Hindari peribahaso urang Palembang.nan babunyi: Babi ganas, anjing ngelawan, ketemu di tibo tinggi.
      Bahaso awak Kondiak bagak, anjiang malawan, basuo di tanah munggu.
      Karano kondiak dan anjiang ingin kahebatan masiang-masiang untuak tampak di urang, nyo cari tampaek bacakak di nan tinggi.
      Sabananyo dek bacakak tu karajo buruak, jan dilakukan ditampaek rami, - bao bapancia ka tampaek nan langang. Itu nan sabananyo jantan !
    4. Untuak urang Minang tulen sarupo awakko, indak usah talalu malu bana, karano nan babuek tu adolah aparat Sumbar, nan manuruik puisi Taufik Ismail, malu aku jadi orang Indonesia !
    "Cukuik sakian dulu, banyak lai nan dapek Angku-angku tambah. Maruhun Sipado barangkali bisa manyusun kalimaetnyo nan rancak.

    Kok lai relasi, masuakkan dialog awakko di koran.
    Ka mangecek di forum resmi kito bukan anggota dewan.
    Tema awak tataok, yaitu:
    BARA JUO KA GURUAH HARI - NAN GAGA MANDARUIK JUO
    BARA BANA KA RUSUAH HATI - NAN GATA BAGAUIK JUO
    St.Kayo tolong tutuik patamuan awak ko.
    Marilah kito mamintak kepado Allah swt, semoga awak tahinda dari salah cotok malantiangkan, salah garegak ulu malang, gagabiya buliah bareknyo.
    Marilah kito tutup dengan melafalkan hamdalah.
    Jamaah nan hadir sarangkek mambaco ALHAMDULILLAH sambia basalam-salaman.




    Link dengan situs-situs Dialektika, Logika dan Sistematika serta Toko Buku.
    nan AMPEK I ||   anggt. DPR-DPRD ||   Syair Berhaji ||   RASO-PARESO ||   Kisah PRRI ||   PITARUAH AYAH ||
    Situs komunitas nagari.org mulai dibangun th. 2002, 2003 BPNK, 2005-v2, 2007-v3. All Right Reserved, Contact and Info : info@nagari.or.id
    This site support for MSIE 5.5+, Flash 5+, JavaScript, 800 x 600 px