sejarah
Hari ini Selasa tanggal 21 November: pada tahun 1694 Voltaire, filosof Perancis lahir
HALAMAN UTAMA
HUBUNGI KAMI
ENGLISH VERS.
MINANG KABAU
BUKU TAMU
BAGALANGGANG
BANGUN NAGARI
  • Lhk Tnh Data[16-76]
  • Lhk Agam[4-73]
  • Lhk 50 Koto[9-76]
  • Pasaman[0-30]
  • Pasaman Brt[2-19]
  • Pesisir Sltn[0-36]
  • Sijunjuang[1-45]
  • Dharmasraya[0-21]
  • Solok[0-75]
  • Solok Selatan[0-13]
  • Pdg Pariaman[0-46]
  • Kt Bukit Tinggi[0-5]
  • Kt Padang[0-22]
  • Kt Pdg Panjang[0-4]
  • Kt Payakumbuh[0-7]
  • Kt Pariaman[0-9]
  • Kt Swh Lunto[0-14]
  • Kt Solok[0-1]
  • Surat Gubernur
  • PESAN ADMIN
    1. Untuk menindaklanjuti surat Gubernur kepada Rektor Perguruan Tinggi ttg. pembangunan nagari-nagari saiber, dan sesuai dengan kesepakatan masyarakat SB untuk 'Baliak ba nagari, kambali ba Surau' maka kini saatnya Generasi Muda mengambil peran

    2. Webmaster-Admin (73 th.) bersedia memberi petunjuk gratis cara pembuatan situs semacam itu kepada anak-kemenakan/mahasiswa.

    2. Praktekkan ilmu yang telah Anda pelajari di sekolah-sekolah khususnya ilmu Komputer/komunikasi

    3. Waktu bagi anak-anak muda, tak boleh dibuang percuma hanya karena 'sedang gilo maliek baruak barayun' di panggung-panggung hiburan, di televisi dan di mal-mal.

  • Calon Promotor
  • Masalah Besar I
  • Masalah Besar II
  • Malu indak dibagi
  • Asalnya Masalah
  • Agenda Kita
  • Nan Berprestasi

  • Batuka pandapek dgn urang nan didahulukan salangkah, ditinggikan sarantiang:

  • Gubernur SB: Waktu dalam konfirmasi !

  • L.K.A.A.M - S.B
    Minggu pertama, malam pk. 20.00 - 22.00 setiap bulan atau konfirmasi ke: 0812 661 6986

  • Ketua DPRD Sumbar: Waktu dlm konfirmasi !
  • Bakirim email unt. Mamak:
  • di LKAAM
  • di DPRD
  • di DPD

  • GURITIAK dari PALANTA MAK SATI
  • PRRI di Nagari Sulik Aie - 995819
  • Tiga Peristiwa Tragis di nagari Batipuah - 1054071
  • PRRI di nagari Tabek Sw. Tangah - 1064827
  • Para pemuda Talang dilepas menuju front Juang - 1125664
  • Tugu untuk mengingat PRRI di nagari Muaro Paneh - 1302742
  • 17 orang pemuda Sitalang berangkat ke Silapiang menjadi pejuang PRRI - 1526730
  • Nagari sebagai Unit Kesatuan Keamanan dan Pertahanan - 1429752
  • Nagari sebagai Unit Kesatuan Ekonomi - 1437064
  • P.R.R.I di nagari Rao Rao: Pendidikan di saat perang - 1559084
  • PRRI dalam Pergolakan Daerah th. 1950-an - 1440634
    Lihat Judul-judul Guritiak lainnya

  • Sabai & Mangkutak & JilaAtang di jaman Digital (Wisran Hadi)

  • Orang Minang
  • Paham di nan Duo
  • Cupak nan Duo
  • Alexander the Great
  • Takana jo kawan!
  • Penyumbang situs
  • Toko Buku UNP
  • Unduh yg Diperlukan

  • PRRI di Kt. Anau
  • PRRI di Simarasok
  • Menjaga M. Natsir
    di Rimba Masang
  • Telah dibaca oleh: 65979 orang.

    If you want a girl, please call me by phone

    Dikarang oleh : minangk@yahoo.com


    Kapitalisme = modalisme adalah:

    1. Mencari keuntungan duniawi sebanyak-banyaknya yang berujung pada peningkatan konsumsi dan produktivitas.
    2. Penciptaan berbagai keinginan baru tanpa memikirkan kerusakan yang sedang atau yang akan terjadi di lingkungannya
    3. Keinginan yang satu merangsang timbulnya keinginan yang berikutnya.

    Usuik dan Mansun bakonco palangkin. Kaduonyo sapamainan sajak ketek.
    Cuma wakatu tamat madrasah aliyah di kampuang, Usuik barangkek ka Jawa untuak mambantu mamaknyo nan bakadai di Jatinegara.
    Salain manjago kadai, Usuik manggunokan wakatu luangnyo maambiak kuliah ekstension.

    Satamat kuliah, urang gaeknyo manyuruah baliak ka kampuang untuak ba sawah.
    Tapi usulan itu indak masuak ka dalam pamikirannyo.
    Usuik punyo cito-cito tinggi.

    Bak kato pituah lamo, alam takambang jadi guru; itulah nan mamotivasi Usuik kutiko maliek sabagian besar para bakeh pejabat nagara awak kayo-kayo.
    Usuik ingin pulo nak jadi pejabat dan mamutuihkan tingga di Jakarta sajo, sambia manjadi aktivis partai sarato LSM nan mandapek bantuan dari lua.
    Malalui aktivitas partai, popularitas Usuik capek maningkek bak selebritis.
    Satiok hari namonyo dibaco urang di surek kaba.

    Lah tigo kali Usuik baganti partai, dan alah duo kali pulo sato mancalonkan manjadi bupati.

    Mampajuangkan nasib wong cilik, menuntaskan kemiskinan, dengan menciptakan lapangan kerja, adolah kato-kato (atau umpan tabua caro awaknyo) nan dikampanyekan Usuik di media massa.
    Penasehat atau tim sukses manyuruah mancetak kodak sabanyak-sabanyaknyo untuak ditempelkan di satiok pintu WC umum, alah pulo dikarajokan.
    Sacaro khusus, pintu jamban sangajo dipiliah karano hasil survey manunjuakkan di situlah calon pemiliah punyo banyak wakatu untuak bakonsentrasi maliek wajah nan indak dikenal salamo iko.

    Calon pamiliah labiah banyak punyo wakatu bakonsentrasi meliek ciri-ciri wajah, sambia manunggu si kuniang kalua.

    Cuma garih tangan juo nan alun mambao Usuik mandapek jabatan nan dianggap bagengsi itu.
    Maklum kini di jaman reformasi, putra daerah dijadikan senjato untuak mancari karajo (eh, ... jadi bupati nan pandapatannyo hampia limo ratuaih juta rupiah satahun. Kok dietong perhari pandapatan iko labiah dari sajuta sahari, babagi duo jo wakia).

    Dari aturan nan balaku di PNS untuak manampati jabatan eselon 3 paralu ditambah gala S2.
    Sabagai calon pejabat nan ka membawahi pegawai-pegawai eselon 2 jo 3 di kantua bupati, tantu awak indak buliah kalah gensi.
    Es duo urang, es duo pulo awak. Kok urang punyo es tigo, Phd, awak usaokan pulo mandapek es tigo HC.

    Ditempelkan pulo singkatan gala, Mls, Mrtg, MM. di balakang namo.
    Gala S2 MM didapek, lai dek karano rajin kuliah Malam Minggu jo Minggu malam.
    Kini Usuik alah manambah gala ciek lai, yaitu DR (HC) di muko namonyo.
    DR (HC) dibalinyo seharago sambilan juta sambilan ratuih sambilan puluah ribu rupiah dari universitas The New Idea of Globalization, nan manuruik selebarannyo bakantua pusat di San Francisco, Los Angeles dan punyo kantua perwakilan di lorong Tawuran, di Kampuang Bala, Jakarta Pusat.

    Balain jo si Mansun nan indak bisa malanjuikkan sikola
    Urang gaeknyo tak mampu mambayia SPP.
    Satamat SMP, Mansun langsuang manggaleh mudo.
    Kini galeh alah maningkek.
    Mansun manjadi eksportir kopi tapandang di kampuang.

    Salain basawah jo baladang, karajo urang di kampuang iyolah manggaleh.
    Kok galeh alah maju, dimodali pulo anak buah. Tigo urang kamanakan kanduang nan dimodalinyo.

    Urang kampuang manyabuik Mansun sabagai toke, atau saudagar.
    Itulah profesi Mansun untuk maasok-i dapuanyo.
    Salamo ko, usaho tu mangalami kamajuan.

    Galeh hasilbumi atau galeh mudo caro awaknyo, bajalan lancar, tapi prospeknyo ka muko tampaknyo ka taluncua.
    Globalisasi atau perdagangan bebas antar negara indak bisa ditulak.
    Itu pandapek para ahli nan dibaco Mansun di surek kaba.
    Kalau nagari awak manulak barang urang, mako urang mambekot barang kito pulo masuak ka nagarinyo.

    Kutiko tulisan iko dibuek, nagari Cino sedang membekot ikan lauik asa Indonesia.
    Iko dek ulah pamerentah malarang jamu dan permen Cino nan manganduang racun formalin dijua di tampek awak.
    Kok cuma bahan baku ubek ketombe nan dibekot masuak ka nagari awak, indak ka mambuek masalah bana.

    Anti ketombe bisa diganti jo abu jarami sarupo nan acok dikarajokan mintuonyo, yang barasa dari Sitiung.
    Baitu pulo kok asam benzoat nan indak dijua ka nagari awak, ginjal ka jauah dari racun.
    Urang kampuang lai ka batambah sehat.

    Tapi kalau urang lua membekot chips computer, suku cadang kapa tabang atau bahan baku ubek sakik kapalo dan sakik kada (catatan: Belum satupun bahan baku obat-obat anti biotic dibuat di Indonesia), mako akan susah iduik kito.
    Alamat ka banyak urang kampuang kanai tukak jo sakik paniang.
    Harago kopi ekspor, alah diatur dek asosiasi pabrik kopi multinasional.
    Urang di kampuang alah tabiaso pulo minum kopi bamerek sarupo nescafe, torabika, cofimix, indocafe, kopiko dsb. Panggiliangan kopi di kampuang alah batutuik ka sadoalahe.

    Ubi wortel impor dari Bejing, di pasa swalayan Jakarta haragonyo Rp 7000,- sakilo, sedangkan si Purun, kamanakan Mansun di pakan Kamih Batusangka manjua ubi wortel Pato Rp 11.000,- sakilo atau Rp 4000,- labiah maha dari wortel impor nagari cino. Perbedaan kualitas, indak usah disabuik.

    Dagiang Has Jawi impor asa Australia Rp 57.990,- per kilogram di Hypermarket.
    Kirun, kamanakan paliang ketek Mansun di pasa Aua Kuniang bapaso manjua dagiang bagalemek Rp 60.000,- sakilo.
    Ja-ankan maekspor hasil-pertanian ka lua nagari, manjua kopi-bubuak di kampuang sajo awak indak punyo dayo.

    Adonyo pasa swalayan di kampuang cuma tingga manunggu wakatu sajo.
    Kadai swalayan, yang meniadakan tawar-menawar diparalukan untuak menservis turis lua nan diundang ka nagari awak sabanyak-banyaknyo.

    Maa pulo ado turis lua nan sanang kanai pakuak kutiko mambali barang-barang kebutuhan di perjalanan.

    Babaliak kapado carito samulo. Gabak di ulu tando ka ujan, cewang di langik tando ka paneh, itulah kakawatiran Mansun di kampuang tantang globalisasi ekonomi...madesu, akronim nan acok disabuik para abg ....!

    Kutiko Usuik pulang kampuang, tak lupo Usuik singgah di palanta Mak Sati.
    Di sinan Usuik basuo jo Mansun.

    Suik, Angku salaku pangurus LSM nan lah bakaliber nasional, tantu alah mamikiakan nasib kami urang kampuang di jaman pasa bebas iko.
    ?Galeh aa nan cocok di kampuang awak kini !

    Daerah awak indak sarupo propinsi-propinsi lain yang kayo SDA.
    Salain rawan bencano alam, kampuang awak babukik-bukik, indak mungkin dibuek kabun sawit atau kabun karet nan laweh sarupo propinsi sabalah. Tambang susah pulo dikarajokan.
    Banyak urusannyo untuak minta konsesi. Sakalian bukik jo gunuang ado nan punyo, tanah ulayat kato urang nagari.

    O iyo nSun, daerah awak Sumbar alah ditetapkan pamarentah manjadi salah satu DTW utama.
    Indak saketek pitih diutang dari Japang untuak mambangun bandara MIA. Ikolah satu-satunyo industri nan paliang cocok untuak kampuang awak Sumbar.

    Program ko paralu kito dukuang dan sukseskan?.
    Ekonomi akan bergerak sendirinyo kutiko turis datang ka kampuang mambao pitih dan mambali cenderamata sarato mambayia servis/pelayanan dari tuan rumah nan dietong jo dolar ka sadonyo.

    "Cuba angku bayangkan dan pakai kali-kali saketek."
    "Seorang wisatawan Eropa atau Amerika nan duduak kadinginan di kapatabang salamo 15 jam mandarek di bandara MIA."
    "Badannyo pasti gaturq-gaturq dan mereka tidak akan segera minum obat pegal-linu atau pil vitamin. Mereka akan kembali ke nature, pemulihan alamiah yaitu dipijat tradisionil."
    "Pijit tradisional perlu kito tawarkan kepado setiap turis."
    "Paliang saketek sarombongan turis ba angota 30 urang."
    "Batigo sajolah dari anggota rombongan minta dipijat-urut mako urang kampuang dapek pitih sakurang-kurangnyo 3 kali 5 dolar = 15 dollar atau 150.000 rupiah."
    "Bandiangkan, kok si Buyuang Gagok maambiak upahan manabeh sawah sahari cuma dapek 15.000 rupiah."
    "Buyuang indak usah membedakan konsumen. Layani konsumen jantan atau batino sasuai dengan kesetaraan gender. (catatan: Usuik sangat terbiasa mengucapkan istilah ini, baitu pulo di palanta).
    Ja - an dibedakan dalam memberikan servis pijit- memijit iko."
    "Nan paralu dijago jaan sampai urang kampuang tahu bahaso Bujuang malayani pulo pijat-urut untuak bule padusi.

    "Turis akan barabuik mamborong tangkelek, karupuak Sanjai, paniaram, lapiak, sumpik anyaman kumbuah nan diharagoi jo dolar sahinggo amai-amai akan banyak dapek pitih."

    Kini baa caronyo kito sato pulo sakaki jo galeh nan disuokkan pamarentah.
    Urang awak alun bapangalaman jo galeh sarupo iko.
    Mungkin itu kasalahan Balando juo daulu?. Jawek Mansun.

    Kato urang lua, nagari awak indak kalah pamandangan dan upacara-upacara adatnyo dari Bali, tapi indak dijadikan daerah wisata dek Balando.
    Daulu, di tampek awak padusi babaju kuruang kasadonyo, sadangkan di sinan kutiko itu padusi sarupo gambar jaman saisuak."
    "Kok waang nan jadi Balando, kamaa ka waang bao turis."
    "Itu kan daulu, jaman saisuak, urang alun bapikia moderen. Awak bisa pulo mambuek resort eksklusif khusus untuk turis di siko." Mansun maningkah.
    Kok baitu kito paralu baraja galeh ko ka sinan?.

    Indak paralu ka sinan. Urang awak alah banyak badagang kaki limo di Kuta dan Sanur. Cuma sabateh itu sajo kagiatan mereka.

    Nan menyadiokan homestay sewoaan jam-jaman ka turis bukan laki-bini, satahu ambo lai indak ado.
    Jadi masalahnyo bukan pangalaman bajaga pariwisata, tapi baa caronyo mandatangkan pambali galeh sabanyak-banyaknyo ka kampuang awak.
    Kok baitu kito cari tampek galeh nan jauah labiah maju dari Bali.

    Babaru ka padang data, dapek ruso balang kaki. Baguru kapalang aja, sarupo bungo kambang tak jadi.
    Usuik manambah pandapeknyo jo pantun.

    Duo bulan kudian, Usuik dan Mansun malakukan study banding ka nagari Siam.
    Nagari Siam dipiliah dek karano sabalum iko para pajabat awak alah ka sinan pulo untuak study bandiang.
    Kiro-kiro, baa caro urang Siam badagang pariwisata, pambalinyo banyak bana; aa resep nan mereka pakai.
    Dipilialah kota pariwisata kelas dunia, nan sangek terkenal, yaitu Chiang Mai. Lataknyo di daerah pagunuangan, sarupo nagari si Mansun.

    Iklimnyo indak jauah beda dengan di kampuang.
    Pamandangan kampuang awak hampia samo jo daerah wisata di Thailand itu. Banyak bukik dan gunuang. Sungai dan danau, sawah jo ladang ditanami padi.

    Panek bakuliliang objek-objek wisata di siang hari, Usuik dan Mansun bakainginan pulo mancaliak hiburan malam.
    Di kota wisata itu bataburan bar, caf, panti pijat tradisional, homestay.
    Pukua 8 malam, Usuik dan Mansun kalua hotel manuju pusat kota.

    Bar itu sangek menarik dengan lampu kelap-kelip menghiasi merek di bagian muko. Kutiko Usuik dan Mansun manunjuakkan tando-tando tertarik untuak singgah, penjago bar langsuang menghampirinyo dengan senyum keramahan nan dibuek-buek.
    Tanpa menanggapi tawaran si penjaga bar (takuit kalau wajahnya dikenali !) Usuik dan Mansun langsung duduak di kursi kosong.
    Pengunjuang bar indak talalu banyak.

    Kedatangan Usuik dan Mansun langsuang menarik parhatian para penari bar nan dibatasi tiang-tiang basi dengan ruangan pengunjung.

    Mereka langsung berlomba-lomba mendemonstrasikan secara atraktif kecantikan serta kemolekan tubuhnya nan aduhay.
    Ado kiro-kiro tigo puluah penari berjejer di panggung, mamakai bikini nan diagiah nomor identitas di caweknyo.
    Good night, where are you from, Mister? Tanyo pelayan dalam bahasa Inggris.
    You want a girl, Mister? sembari menunjuk ke arah panggung. You want number...what?

    I don't know, maybe next time. Usuik manjawab ragu-ragu, tapi sabananyo dalam hati sangek kepingin pulo dikawani panari tersebut.

    Usuik manyuruah palayan duduak di kurisi sabalahnyo.
    Mukasuiknyo, ikolah kesempatan bawawancara/ mancari tau seluk-beluk penyelenggaraan bar jo tari-manari.

    Untuak melengkapi wawancara, paralu pulo diimbau sorang panari turun dari pangguang.
    Nan diincar nomor 12. Lai nan di ati, tapi indak sakandak ati. Ruponyo itu pulo kandak nan balaku.

    Tibo-tibo sajo kurisi kosong di sabalah, alah diisi turis lain.
    Sapinteh, dalam cahaya keremangan nampaknyo turis itu urang Arab.

    Sarupo tawaran ka Usuik dan Mansun, pelayan bar juga menawarkan para penari kepado tamunyo.
    Indak sarupo Usuik dan Mansun, tanpa ragu si Arab lansuang menunjuak sambia menyabuikkan nomor 12 dan nomor 24.
    Betapa kecewanya Mansun, nan dari tadi matonyo indak saketek juo bakijok mancaliak penari nomor 12.
    Kini kaduo panari tu alah bapindah ka kurisi kosong di sabalah si Arab.
    Setelah bercakap-cakap sebentar, keduo penari maninggakan tamunyo dan menuju ke belakang panggung. Tak lamo kudian babaliak ka kurisi samulo. Tak lagi babikini.

    Mungkin si Arab tu indak sonang duduak jo batino batilanjang, makonyo inyo surauah babaju lengkap. kato Mansun dalam hati.

    Sasudah minum-minum sabonta kaduo urang Arab dan duo panari tadi barangkulan maninggakan bar.
    Ruponyo dugaan Mansun meleset ..!

    Karano indak dapek pilihan nan di hati, mako nyo suruah pelayan mamanggia sorang panari turun dari pangguang, duduak mangawani.
    Salaku urang nan baradat Usuik dan Mansun punyo DNA nan mamarentahkan dirinyo indak buliah sambarang manunjuak, apolai manggunokan tunjuak kida.
    Indak sampai ati pulo manyabuikkan nomor padusi nan dijua di ateh pangguang.

    Lah duduak barampek.
    Baun parfum batino tu merangsang bak kasturi, dan seluruh tubuhnyo diluluri polesan make up yang berlebihan.
    Sambil tersenyum malu-malu, padusi tu sakali-sakali mangecek jo bahaso nan indak dimangarati.
    Sambia taruih menebarkan senyumnyo batino tu bausaho mengeser duduaknyo mandoke-i Usuik.
    Cuma labiah banyak diam salamo percakapan balansuang.

    Usuik nan manggunokan bahaso Inggirih, mulo-mulo menyepakati bayaran mereka baduo untuak diwawancarai sajo.
    Indak dibao kalua bar sebagai lady escort apolai dibao ka hotel tampek manginap.

    Bukan karano ingek jo Aids nan banyak di Thailand, atau malu diliek urang kampuang, tapi lai takona juo doso dek kaduo urang tu.
    Kok masuak bar duduak dokek batino bacawek jo babeha sajo alah badoso, tapi karano alasan untuak study bandiang, mako doso tu nyo kasampiangkan daulu. Bialah Tuhan nan manilainyo nanti.
    Demi menciptakan lapangan pekerjaan baru untuk wong cilik, apopun karajo halal, asa indak malanggar hukum (adat atau etika di Indonesia kini indak usah disabuik-sabuaik. Memang dari sononyo asanyo urang indak baradat).

    Sejam labiah wawancara balansuang, intinyo tantang pamasaran seni tari di ateh pangguang. Usuik dan Mansun mamuta utaknyo, baa caronyo supayo seni tari di nagari awak bisa pulo dijua ka turis asing.

    Mereka baduo mambayangkan untuak seni tari, di tompek awak kini olah memasyarakat pulo kebudayaan nasional-baru, yaitu ekpresi basic instict yang mengiringi musik ndangdut nan berakar dari gerakan tayub sarato jaipongan dari rantau.
    Di babagai kota ola diselenggarakan kontes-kontes seni ndangdut dan lah mandapek asas legalitas dari sebagian masyarakat awak di kampuang karano sifatnyo nan nasional tadi.
    Inti dari tanyo-jawab diringkaskan sbb:

    1. Urang maa para penari pangguang tu, import atau panduduak setempat.
    2. Urang maa pemiliak bar dan angku urang daerah maa
    3. Baa caro manggajinyo panari
    4. Panari itu di bao ka maa dek tamu
    5. Baa caro mancari para panari bar

    Pelayan bujang nan mangawani Usuik dan Mansun cukuik tabuka manjalehkan segalo sesuatu nan ditanyokan tamunyo.
    Karano Mansun indak pandai babaso Inggirih, pertanyaan inyo sampaikan melalui Usuik ...gaji pokok panari, samalam 100 baht atau lk. 27.000 rupiah ditambah 20% dari balanjo tamu.
    Sedangkan bilo panari dibooking kalua, mako musti menyetor ka bar 500 baht.
    Pamiliak bar sarato seluruh karyawan musti panduduak pribumi.

    Urang lua indak ditarimo manjadi karyawan sebab prinsip dari usaho pariwisata iko tujuannyo menciptakan lapangan kerja baru guno mengatasi pengangguran.

    Seluruh gadih-gadih panari itu lai urang kampuang di siko juo nan alah direstui familinyo sebab mereka sadar pitih nan dibalanjokan turis untuak mensejahterakan anak-kemenakan mereka.
    Kok pamiliak bar atau panarinyo urang lua mako pitihnyo akan dikirim ka lua pulo.
    Rumah panduduak dipakai sebagai pangganti hotel, tampek turis menginap atau homestay, di situlah para turis manginap.

    Oh, I know. Usuik maningkah dalam baso Inggirih: You say that people do not angry to bring girl to the home-stay, even they are not a family couple like the just two Arabians
    Yes, because the Arabians have been tied legally with contract-married (niqah mut'ah) with the local girl.
    You can hire home-stays daily, monthly or annually, so it shall get much money for local people.

    Indak sambarang urang buliah mandirikan hotel sebab mengurangi jatah penduduak pribumi menarimo sewo penginapan.
    Kapalo desa bangga karano bisa mensejahterakan masyarakatnyo, malah bagi nan sukses diagiah semacam piala penghargaan.

    Pukua duoboleh lewek separompek Usuik dan Mansun maraso segalo informasi tantang kehidupan malam di bar tersebut alah selesai.

    Poruik olah mamilin-milin, sojak tadi mereka indak amuah memesan steak, takuik tamakan sate cileang.
    Pulang ka hotel, badan alah ponek, sambia lalok-lalok ayam tabayang kecantikan bargirl nan mangawani wawancara tadi dan tangiang-ngiang pulo tawaran terakhir panjago bar wakatu nak pulang tadi: If you want a girl, please call me by phone. Sambia maagiahkan kartu namo nan ado nomor HPnyo.

    Bagalau pikiran si Usuik kutiko itu, tapi dek badan lah ponek, kondisinyo satangah tajago sambia mamuta utak:

    ?Urang di siko sangek mamparhatikan kesejahteraan masyarakatnyo. Pitih nan takumpua lai dipakai untuak mansejahterakan rakyatnyo.
    Paralu diadokan modifikasi galeh ko. Partunjuakan seni tari indak paralu di ateh pangguang, tapi langsuang diiringi gerakan jaipongan untuak mengiringi musik ndangdut sarupo sanggar tari di Puncak.
    Dengan demikian pambali jo panjua labiah dokek. Labiah bisa langsuang tawar-manawar.
    Samalaman Mansun indak bisa mamiciangkan mato, marancanakan modifikasi galeh baru ko.

    Kalau panari didatangkan dari lua, aratinyo usaho iko indak menciptakan lapangan karajo untuak anak-kamanakan padusi.
    Kok mancari panari dari kampuang awak, tantu indak banyak mamak nan ka mampabiakan kamanakannyo dipajua-balikan.
    "Mampajuakan kamanakan "
    "Itu karajo nan indak mungkin di kampuang nan baradat iko." Mansun maningkah.
    "Apo karajo karajo nan indak mungkin di jaman moderen ko, nSun, dek waang hanyo biaso hiduik di kampuang tantu kurang pangalaman jo istilah iko."

    "Bawisata urang, bawisata pulo awak, padohal awak bapadoman kapado adat nan mangacu kapado kitabullah".
    Tantangan ijin penyelenggaraan indak masalah bana. Asal untuak menciptakan lapangan kerja dan mengentaskan kemiskinan kato pamimpin Indonesia, tantu pasti dilinduangi polisi jo tantara.
    Urang kampuang sangek takuik ka polisi jo tantara.

    Baa caro nyo galeh awak akan maju?..barang aa nan ka digalehkan lai kini dari kampuang.... baiyo - batido duo urang.
    Sorang dari rantau dan sorang lai dari kampuang !!!.....Sorang bagala...DR (HC), MM saharago sambilan juta, sambilan puluah ribu dan lainnyo cuma tamat SMP.
    Itulah urang kampuang ambo nan kini sadang baseminar di palanta Mak Sati untuak menghadapi globalisasi.
    Kok tasingguang di ka naiak, kok ta geser jika turun, ampun dan maaf hamba sampaikan, karano iko cuma carito fiktif belaka.
    Kalau ado nama dan gelar yang sama, itu hanya secara kebetulan dan tidak mengacu kepada nama ataupun gelar seseorangpun.




    Link dengan situs-situs Dialektika, Logika dan Sistematika serta Toko Buku.
    nan AMPEK I ||   anggt. DPR-DPRD ||   Syair Berhaji ||   RASO-PARESO ||   Kisah PRRI ||   PITARUAH AYAH ||
    Situs komunitas nagari.org mulai dibangun th. 2002, 2003 BPNK, 2005-v2, 2007-v3. All Right Reserved, Contact and Info : info@nagari.or.id
    This site support for MSIE 5.5+, Flash 5+, JavaScript, 800 x 600 px