sejarah
Hari ini Selasa tanggal 21 November: pada tahun 1694 Voltaire, filosof Perancis lahir
HALAMAN UTAMA
HUBUNGI KAMI
ENGLISH VERS.
MINANG KABAU
BUKU TAMU
BAGALANGGANG
BANGUN NAGARI
  • Lhk Tnh Data[16-76]
  • Lhk Agam[4-73]
  • Lhk 50 Koto[9-76]
  • Pasaman[0-30]
  • Pasaman Brt[2-19]
  • Pesisir Sltn[0-36]
  • Sijunjuang[1-45]
  • Dharmasraya[0-21]
  • Solok[0-75]
  • Solok Selatan[0-13]
  • Pdg Pariaman[0-46]
  • Kt Bukit Tinggi[0-5]
  • Kt Padang[0-22]
  • Kt Pdg Panjang[0-4]
  • Kt Payakumbuh[0-7]
  • Kt Pariaman[0-9]
  • Kt Swh Lunto[0-14]
  • Kt Solok[0-1]
  • Surat Gubernur
  • PESAN ADMIN
    1. Untuk menindaklanjuti surat Gubernur kepada Rektor Perguruan Tinggi ttg. pembangunan nagari-nagari saiber, dan sesuai dengan kesepakatan masyarakat SB untuk 'Baliak ba nagari, kambali ba Surau' maka kini saatnya Generasi Muda mengambil peran

    2. Webmaster-Admin (73 th.) bersedia memberi petunjuk gratis cara pembuatan situs semacam itu kepada anak-kemenakan/mahasiswa.

    2. Praktekkan ilmu yang telah Anda pelajari di sekolah-sekolah khususnya ilmu Komputer/komunikasi

    3. Waktu bagi anak-anak muda, tak boleh dibuang percuma hanya karena 'sedang gilo maliek baruak barayun' di panggung-panggung hiburan, di televisi dan di mal-mal.

  • Calon Promotor
  • Masalah Besar I
  • Masalah Besar II
  • Malu indak dibagi
  • Asalnya Masalah
  • Agenda Kita
  • Nan Berprestasi

  • Batuka pandapek dgn urang nan didahulukan salangkah, ditinggikan sarantiang:

  • Gubernur SB: Waktu dalam konfirmasi !

  • L.K.A.A.M - S.B
    Minggu pertama, malam pk. 20.00 - 22.00 setiap bulan atau konfirmasi ke: 0812 661 6986

  • Ketua DPRD Sumbar: Waktu dlm konfirmasi !
  • Bakirim email unt. Mamak:
  • di LKAAM
  • di DPRD
  • di DPD

  • GURITIAK dari PALANTA MAK SATI
  • PRRI di Nagari Sulik Aie - 995819
  • Tiga Peristiwa Tragis di nagari Batipuah - 1054071
  • PRRI di nagari Tabek Sw. Tangah - 1064827
  • Para pemuda Talang dilepas menuju front Juang - 1125664
  • Tugu untuk mengingat PRRI di nagari Muaro Paneh - 1302742
  • 17 orang pemuda Sitalang berangkat ke Silapiang menjadi pejuang PRRI - 1526730
  • Nagari sebagai Unit Kesatuan Keamanan dan Pertahanan - 1429752
  • Nagari sebagai Unit Kesatuan Ekonomi - 1437064
  • P.R.R.I di nagari Rao Rao: Pendidikan di saat perang - 1559084
  • PRRI dalam Pergolakan Daerah th. 1950-an - 1440634
    Lihat Judul-judul Guritiak lainnya

  • Sabai & Mangkutak & JilaAtang di jaman Digital (Wisran Hadi)

  • Orang Minang
  • Paham di nan Duo
  • Cupak nan Duo
  • Alexander the Great
  • Takana jo kawan!
  • Penyumbang situs
  • Toko Buku UNP
  • Unduh yg Diperlukan

  • PRRI di Kt. Anau
  • PRRI di Simarasok
  • Menjaga M. Natsir
    di Rimba Masang
  • Telah dibaca oleh: 64463 orang.

    Evaluasi Industri Utak th 2005 di Sumbar

    Dikarang oleh : Mak Sati jo Admin

    Pindah Profesi: Tapuak dado, tanyo salero
    Para Wagub nan bagala Professor

    Palanta Mak Sati tampak langang.
    Usuik duduak manyurek di meja sekretaris Palanta. Ruponyo kini jam dinas Usuik di sekretariat Palanta.

    Kok sadang bafungsi sebagai pengelola apotek tradisional, tantu inyo malayani resep ramuan dukun.
    "Assalamualaikum". Mak Sati mancogok. Usuik manjawab salam sambia mainformasikan ado surek dari jamaah urang awak.

    "Usuik, cubo bacokan ! dari sia ? masalah apo ? dan apo kandak mereka ?"
    "Surek nan masuak ampek macam."

    "Partamo, barasa dari Rasidin, guru SMP di Palembang.
    "Baliau mintak Mak Sati mangomentari tabel data (terlampir copynyo) dari koran Kompas tanggal 25 Oktober 2005 nan manulihkan angko-angko sarato jo persentase hasil ketidaklulusan para pelajar se Indonesia pada UAN tahun iko."

    "Nan kaduo, barasa dari Jasiruddin St. Kayo, dosen salah satu PTS di Palembang."
    Isinyo sbb: "Mak Sati ! di salah satu surek kaba nan tabik di Jakarta, ambo baco tulisan nan berjudul, mimpi Nobel dari Binsar Panjaitan, mantan menteri Perdagangan nan nak mandatangkan hadiah Nobel ka pinggir danau Toba. Apo mungkin mimpi itu inyo ujudkan, dan iko manjadi bahan diskusi kawan-kawan dosen di siko. Baa mako mimpi pak Emil Salim, nan nak manjadikan Sumbar sebagai daerah industri Otak indak ado realisasinyo saketek juo! Bahkan kebaliakannyo nan tajadi? "

    "Surek nan katigo, barasa dari Sidi Dagun, pangamat sosial di Palanta. Isi surek Ajo ko, manyangkuik mantan-mantan Rektor Universitas Andalas pindah karajo manjadi birokrat, yaitu manjadi Wagub. Baliau mananyokan apo kauntuangan untuak masyarakaik katiko para professor itu bakiprah di pamarentahan."

    "Surek nan ka ampek datang dari Datuak Nagari Basa, pengusaha tanamo di siko.
    Baliau minta komentar Mak Sati tantang iklan di televisi nan babaso awak, yang mangatokan bahwa mamiliah pamimpin indak paralu saagamo bana jo awak do !"

    "Nan ka limo, terakhir, iko ado amplop barisi pitih Rp 400.000,- Honor untuak Mak Sati dikirim urang katiko inyo mambali buku malalui toko di situs awakko.
    Nomor rekening Admin nagari.org ado di situ.
    Urang ko mungkin basimpati jo situs awak nan acok malaga kaganjilan-kaganjilan di kampuang."
    Alah Suik ? Ka limo-limonyo awak tarimo.
    Pitihnyo awak bagi duo, honor bapikia untuak Mak Sati, honor mengetik untuak Usuik ! Alhamdulillah ! Usuik lega.
    "Dek pitihnyo lah awak tarimo, komentarnyo awak karajokan kini. Ado-i komputer, awak mulai."

    Nomor 1. Dari data nan ado di Kompas tantang ketidaklulusan pelajar awak di Sumbar nan dinilai dari ujian pelajaran bahaso Indonesia, bahaso Inggirih sarato jo matematika sbb:

    a. Ketidaklulusan atau kegagalan pelajar Sumbar di UAN 18%
    b. Ketidaklulusan atau kegagalan pelajar Sumsel di UAN 9%
    c. Ketidaklulusan atau kegagalan pelajar Sulut di UAN 5%

    Jiko dibandiangkan jo Sulawesi Utara kegagalan Sumbar tahun iko hampia ampek kali lipek.
    Dek samo-samo manarimo asa pendidikan moderen dari Balando dan samo-samo bakeh daerah luluah-lantak diparangi rezim Soekarno di tahun 58 - 61, sarato samo-samo daerah nan dikatagorikan kurang SDA nyo, mako Sumbar paralu kito bandiangkan jo Sulut.
    Kini daerah awak merosot hampia 4 kali lipek dari Sulut.
    Indak kan takaja lari urang dek dek awak do dalam satahun iko tanpa latihan intensif.
    "Baa kok caro itu Mak Sati ?"
    "Mak Sati mangiro panyebabnyo iolah, di urang Kawanua tu, nan elok inyo pakai, nan buruak inyo buang. Hasilnyo tantu positif."
    Kini labiah dari sapuluah ribu urang Manado nan pai marantau ka USA, tapeknyo di Los Angeles.
    Marantau ka nagari paman Sam itu indak sarupo saudara-saudara kito dari tanah subarang nan manjadi babu di Arab.
    Urang Manado tu bakarajo sebagai tanago terdidik professional di L.A. Satiok wakatu mereka mengirim dolar ka sanak saudaronyo di kampuang.

    "Baa di awak ? Baremoh kasadonyo, buruak jo elok indak tapabesokan."
    Padohal patatah-patitih adat mangatokan: Nan elok ambiak jo rundiangan, nan buruak tulak jo etongan.

    Dan iko nan sangek mamalukan, jiko prestasi anak-kamanakan awak dibandiangkan jo Sumsel, kebodohan mereka kini 2 kali lipek.
    Daulu Sumsel jauah di bawah awak dan murik awak.
    Datuak ambo, parmulaan abad ka 20, tapeknyo tahun 1910 alah pai maaja anak-anak di Sumsel

    Mungkin karano banyak nan cadiak alah pai ka rantau, mako di kampuang indak ado nan ka di tiru.
    "Indak bana itu do Suik !" Kini banyak pensiunan pagawai nan pulang manatap di kampuang. "Di nagari ambo ado 5 urang pensiunan PNS golongan III dan IV nan pulang kampuang."
    Tapi dek karano urang kampuang talampau cadiak mako pamikiran mereka indak dimanfaatkan, itulah nan tajadi kini.

    Nomor 2. Tantang mimpi Binsar Panjaitan, nak mandatangkan hadiah Nobel ka pinggir danau Toba mungkin sajo manjadi kanyataan.
    Dek daerahnyo babateh jo kampuang awak, tantunyo mereka mancontoh pandidikan di nagari awak jaman daulu. Inyo baco sejarah tantang INS nan didirikan Moh. Syafei di Kayutanam, Diniyah Puteri sarato Kulliyatul Mubalighin di Padang Panjang.
    Inyo pakai papatah-patitih awak: Maambiak tuah ka nan manang, maambiak contoh ka nan sudah.

    Baa urang awak kini, gilo mancaliak baruak barayun.
    Nak maniru pulo pambangunan hotel-hotel, jo mal-mal sarato investor pabirik kacang atum langkok jo pabirik palengkapan dunie hiburan sarupo di tampek urang.

    Nan bak naiak parahu jolong sudah, sarana kurang, alat tak lengkap. Ka lauik takuaik dek ombak, ka pulau takuik dek buayo.
    Urang mamajukan pariwisata, awak nak ikuit pulo bapromosi pariwisata. Urang manyewokan pulau malalui internet, awak lah maiklankan manjua sawah jo ladang di Minangnet.

    Padohal kalau dana parantau diorganisir oleh tiok-tiok nagari dan difasilitasi oleh pemda, mako masalah kemiskinan bisa diatasi, tanpa malanggar sumpah urang tuo-tuo awak nan malarang manjua tanah pusako untuak kapantiangan pribadi.
    Manjua tanah pusako ka Cino, Bule untuak mandirikan sarana-sarana kemaksiatan jaleh kanai kutuak bak sumpah muyang kito, ka ateh indak bapucuak, ka bawah indak baurek, di tangah-tangah digiriek kumbang pulo.

    Nomor 3. Tantang para professor nan mantan-mantan rektor Universitas Andalas batuka haluan jadi birokrat.

    Kini Mak Sati manyampaikan pandapek ateh keterpuruakan anak-kamanakan menghadapi UAN adolah tangguang jawab pamarentah daerah.
    Gubernur sarato jo Wagubnyo nan tahu bana kabijaksanaan pendidikan nasional!
    Kabatulan wagub Sumbar nan lamo adolah professor nan mantan rektor Unand.

    Dek karano hujan bapuhun, paneh baasa, kato bamulo, mako jauah sabalun mancalonkan diri manjadi Wakil gubernur, pak professor kito tantu alah baniat nak meningkatkan pendidikan di daerah awak. Karir tantu bukan tujuan. Baliau lah dapek gala tertinggi di bidangnyo, apolai mancari kekayaan tantu indak mungkin.
    Indak sambarang karajo sajo bakal dimasuakinyo, tanpa bidang dan tujuan nan jaleh.
    Bidang baliau, iolah bidang pendidikan, karano itulah dibari gala professor atau gurubesar.

    Cuma barangkali baliau lupo indak murah manggulamai, kurang aru cirik kambiangan.
    Contoh keteknyo: Pak Wagub nan lamo alah mambuek surek ka Rektor sarato para bupati di Sumbar untuak mengajak bawahannyo tu mambuek situs internet (e-nagari) di dalam komunitas nagari.org iko, tapi alah sa taun labiah surek itu indak diacuahkan dek Bupati jo rektor sarato anak buahnyo, indak ado tanggapan.

    Kini kabanyo, alah mantan rektor pulo nan manjadi Wagub.

    Mak Sati anjurkan di pangka karajo kini: Tapuak dado, tanyo salero.
    Ka mangaa pak professor di kantua gubernur. Ka manuruik jajak nan lamo? Atau mambayia utang sejawat!
    Paeloki tingkek kalulusan UAN tahun katibo dengan target yang pasti:

    Bapacik ka batang lapuak
    Kok patah pulang batandu
    Paja di kampuang nan tapuruak
    Urang di rantau tabao malu

    Ado pasan ringan Mak Sati ka Wagub nan baru, sarato jo aparat nan takaik jo paningkatan SDM di kampuang.
    Baa bunyi gandang, co itu langkah tari. Baa program urang, buek pulo program diri.
    Les urang, les pulo awak. Pintar urang, cadiak awak. Jalankan aka manjago namo baiak.

    Nan paralu dikana: Malantai sabalun lapuak, maminteh sabalun anyuik, baringek sabalun kanai, barimek sabalun abih.
    Urang Tuo jaan duo kali kailangan tungkek, indak ado pisang babuah duo kali.

    "......M m...Mak sati buliah ambo maagiah pasan untuak pak professor nan lah dituokan salangkah, ditinggikan sarantiang dalam birokrasi pemda Sumbar agak saketek!"
    "Buliah, ....buliah Suik, apo isi ati Usuik tu, tulihkanlah di siko !"

    "Kok si Binsar nan mantan tantara, bisa mandidik sarato mampasilitasi anak-anak di Utara menuju Nobel, baa mako pak professor nan memang guru indak bisa babuek sarupo inyo ?"
    "Katiko jaman parang daulu, guru dan sakalian urang bisa bisa jadi sardadu. Guru di kampuang ambo manjadi komandan peleton, lansuang mandapek pangkek letnan, tapi indak ado prajurit nan barubah manjadi guru. Indak sambarang urang mampu manjadi guru, apolagi manjadi gurubesar."

    "Nah itulah masalahnyo Suik, awak bajalan samo mairing, baiyua samo maisi !"

    "Jaan sampai dunie ko, tabaliak-baliak sarupo nan tajadi salamo iko."

    Nomor 4. Tantang iklan di televisi nan dibuek pamarentah tujuannyo iolah untuak mensukseskan pemilihan kepala daerah.
    Dan iko balaku pulo untuak pamilihan kada di kampuang awak di Sumbar.

    Antah karano bahaso Minang banyak didanga urang di kaki limo di Jakarta, atau antah untuak tujuan tasalubuang nan awak indak tahu mukasuiknyo, mako dibuek urang pulo iklan babaso awak nan babunyi: "Mamiliah pamimpin indak paralu sa-agamo jo awak do !"

    Jaleh dek awak, bahaso iklan itu dibuek bukan oleh urang Minang, karano mereka indak mangarati jo budaya Minangkabau.
    Kok inyo urang Minangkabau tantu akan manjalehkan "pamimpin apo nan buliah indak sa-agamo jo nan dipimpinnyo."
    Dek awak urang Minangkabau pamimpin kaluarga, pamimpin kaum, pamimpin suku wajib hukumnyo sa-agamo jo nan dipimpinnyo, karano balaku adagium Adat basandi syarak, syarak basandi kitabullah.

    Kok pamimpin pabirik kecap jo pabirik komputer, lai buliah balain agamo jo awak. Indak asa manyabuik mamiliah pamimpin sajo do ! Itu aratinyo nan mangecek baso Minang tu mamanfaatkan budaya Minang untuk tujuan tertentu.
    Hati-hati, jaan sampai cupak diganti urang manggaleh, jalan dituka urang lalu.

    "Jadilah Mak Sati, banyak bana komentar awak tantang pertanyaan jamaah palanta kiniko. Beko kahabisan bahan awak, indak ado nan maagiah honor lai karano bahan nan ka ditulih tu habih !"
    "Kalua dari urusan iko, jaan lupo siapkan induak sarobaik, parsiapan nak dibao ka Makah, karano lagi musim dingin di sinan. Mak Sati insyaallah tahun iko barangkek ka haji.
    Ambo pai daulu, kok ado apo-apo hubungi ambo lewat telepon."

    Palanta Mak Sati 1 November 2005




    Link dengan situs-situs Dialektika, Logika dan Sistematika serta Toko Buku.
    nan AMPEK I ||   anggt. DPR-DPRD ||   Syair Berhaji ||   RASO-PARESO ||   Kisah PRRI ||   PITARUAH AYAH ||
    Situs komunitas nagari.org mulai dibangun th. 2002, 2003 BPNK, 2005-v2, 2007-v3. All Right Reserved, Contact and Info : info@nagari.or.id
    This site support for MSIE 5.5+, Flash 5+, JavaScript, 800 x 600 px