sejarah
Hari ini Selasa tanggal 21 November: pada tahun 1694 Voltaire, filosof Perancis lahir
HALAMAN UTAMA
HUBUNGI KAMI
ENGLISH VERS.
MINANG KABAU
BUKU TAMU
BAGALANGGANG
BANGUN NAGARI
  • Lhk Tnh Data[16-76]
  • Lhk Agam[4-73]
  • Lhk 50 Koto[9-76]
  • Pasaman[0-30]
  • Pasaman Brt[2-19]
  • Pesisir Sltn[0-36]
  • Sijunjuang[1-45]
  • Dharmasraya[0-21]
  • Solok[0-75]
  • Solok Selatan[0-13]
  • Pdg Pariaman[0-46]
  • Kt Bukit Tinggi[0-5]
  • Kt Padang[0-22]
  • Kt Pdg Panjang[0-4]
  • Kt Payakumbuh[0-7]
  • Kt Pariaman[0-9]
  • Kt Swh Lunto[0-14]
  • Kt Solok[0-1]
  • Surat Gubernur
  • PESAN ADMIN
    1. Untuk menindaklanjuti surat Gubernur kepada Rektor Perguruan Tinggi ttg. pembangunan nagari-nagari saiber, dan sesuai dengan kesepakatan masyarakat SB untuk 'Baliak ba nagari, kambali ba Surau' maka kini saatnya Generasi Muda mengambil peran

    2. Webmaster-Admin (73 th.) bersedia memberi petunjuk gratis cara pembuatan situs semacam itu kepada anak-kemenakan/mahasiswa.

    2. Praktekkan ilmu yang telah Anda pelajari di sekolah-sekolah khususnya ilmu Komputer/komunikasi

    3. Waktu bagi anak-anak muda, tak boleh dibuang percuma hanya karena 'sedang gilo maliek baruak barayun' di panggung-panggung hiburan, di televisi dan di mal-mal.

  • Calon Promotor
  • Masalah Besar I
  • Masalah Besar II
  • Malu indak dibagi
  • Asalnya Masalah
  • Agenda Kita
  • Nan Berprestasi

  • Batuka pandapek dgn urang nan didahulukan salangkah, ditinggikan sarantiang:

  • Gubernur SB: Waktu dalam konfirmasi !

  • L.K.A.A.M - S.B
    Minggu pertama, malam pk. 20.00 - 22.00 setiap bulan atau konfirmasi ke: 0812 661 6986

  • Ketua DPRD Sumbar: Waktu dlm konfirmasi !
  • Bakirim email unt. Mamak:
  • di LKAAM
  • di DPRD
  • di DPD

  • GURITIAK dari PALANTA MAK SATI
  • PRRI di Nagari Sulik Aie - 995819
  • Tiga Peristiwa Tragis di nagari Batipuah - 1054071
  • PRRI di nagari Tabek Sw. Tangah - 1064827
  • Para pemuda Talang dilepas menuju front Juang - 1125664
  • Tugu untuk mengingat PRRI di nagari Muaro Paneh - 1302742
  • 17 orang pemuda Sitalang berangkat ke Silapiang menjadi pejuang PRRI - 1526730
  • Nagari sebagai Unit Kesatuan Keamanan dan Pertahanan - 1429752
  • Nagari sebagai Unit Kesatuan Ekonomi - 1437064
  • P.R.R.I di nagari Rao Rao: Pendidikan di saat perang - 1559084
  • PRRI dalam Pergolakan Daerah th. 1950-an - 1440634
    Lihat Judul-judul Guritiak lainnya

  • Sabai & Mangkutak & JilaAtang di jaman Digital (Wisran Hadi)

  • Orang Minang
  • Paham di nan Duo
  • Cupak nan Duo
  • Alexander the Great
  • Takana jo kawan!
  • Penyumbang situs
  • Toko Buku UNP
  • Unduh yg Diperlukan

  • PRRI di Kt. Anau
  • PRRI di Simarasok
  • Menjaga M. Natsir
    di Rimba Masang
  • Telah dibaca oleh: 67139 orang.

    Talampau Cadiak

    Dikarang oleh : Mak Sati jo Admin

    Assalamualaikum Warahmatullahi Wabarakatuh
    Mak Sati mambukak patamuan.
    Nan hadir urang-urang balihia dan kritis. Karano itu Mak Sati tampak ekstra hati-hati.

    Surek angku-angku alah ambo baco. Isinyo lah jaleh di ambo. Masalah yang angku-angku kamukokan masalah biaso, Pil Kada.
    Masalah ko rentan, heboh. Manuruik pantauan pangamat sukarela, daerah awak nan paliang saketek hebohnyo."

    "Kini silakan manyampaikan keberatan-keberatan atau kaganjialan apo nan tajadi.
    Mudah-mudahan diskusi awak dapek maubek raso kacewa. Jan sampai taserak paluah di dado, bakumpua darah ka jantuang, buruak barito ka Nagari.

    Ambo Mak Sati. Silakan Menan, Mak Sati mambari kasampatan kapado Menan untuak manyampaikan pandapeknyo.

    Urang kampuang kami lah salasai mamiliah Kada. Dasar yang mareka gunokan mamiliah Kada bapadoman kapado kecek urang di tapi labuah. Rancak kecek urang di tapi labuah, rancak pulo kecek inyo, itu nan inyo piliah".

    Silakan Pangulu Basa. Kini Pangulu Basa nan diagiah kasampatan bicaro.

    Nan paralu dek masyarakaek di kampuang kami iolah muko baru. Walaupun nan lamo indak ado caceknyo, nan pantiang asa batuka. Bia batuka Cigak jo Baruak, manganduah sikua Karo."
    "Nan tajadi kini, Batang Pinang elok ditanam, kain Balacu ba goni-goni. Nan ilang alah punyo program, nan baru alun jaleh dek Kami."

    Itu nan kaduo." Mangkuto mandapek giliran.

    Kada nan lamo kini kalah bataruang, karano program jangka panjangnyo indak tajambo di aka masyarakaek kampuang kami, yang sabagian masih ado nan buta huruf. Bahkan ado pulo nan sanang disabuik misikin supayo dapek bantuan gratis barupo dana konpensasi BBM pamarentah. Mereka labiah sanang manarimo pambarian dari urang tanpa bakarajo dan indak maraso barutang kapado urang nan mambagikan pitih.

    Iko kan taktik pamarentah supayo populer di mato rakyat, tapi urang-urang nan sadang mamarentah kiniko indak sadar bahwa memasyarakatkan kato-kato "kemiskinan" itu akan mambao mudhorat jangko panjang. Daulu urang awak malu mangaku misikin. Kok di kampuang tak lai punyo bareh agak saganggam atau papan agak sakapiang mereka capek-capek pai marantau.

    Salah satu program Kada kami nan lamo iolah paningkatan SDM, dan manjadikan daerah kami tampek urang lua datang manuntuik ilimu.
    Langkah partamo nan alah dilakukannyo iolah mangirim guru-guru sabanyak 600 urang baraja ka lua Nagari, ka nagari Balando, Australia, Inggris, India, Thailand, Singapura, Malaysia dengan biaya sabagian ditangguang Pemda.
    Sekolah-sekolah dilengkapi dengan lab komputernyo, One School One Computer Laboratotorium (OSOL) lambang kamajuan masokini.
    Indak tatutuik kamungkinan di maso datang akan muncul programer-programer software di kampuang awak nan bisa manjua hak patennyo dengan hitungan ribuan dollar ka LN.
    Bukan mengikuti program pamarentah pusek nan nak manjadikan kampuang awak sabagai "barang jualan daerah wisata" nan katonyo mandatangkan devisa. Sasudah itu kamanakan awak hanyo kabagian untuang manjua talua asin jo upah mamijit bule dengan upah limo ribu sahari.

    Rasio guru dengan murid di dalam kelas sarato kinerja guru sangek diperhatikan

    Mungkin duo tigo tahun kamuko, akan labiah banyak anak-anak lulusan sekolah menengah di kampuang awak nan ditarimo di perguruan-perguruan tinggi nan tanamo di Jawa atau di LN. Soal biaya indak paralu talampau dirusuahkan bana karano banyak limbago-limbago nan menawarkan beasiswa di internet, kalau mampu basaing jo pelajar daerah lain.
    Kini para pelajar awak indak ado nan tacatat sebagai pemenang lomba-lomba tingkat nasional.
    Provinsi Papua sajo nan sabagian penduduaknyo masih pakai koteka, para pelajarnyo alah ado nan manjadi juara Matematika jo Fisika, apolai nagari awak daulunyo terkenal sebagai gudangnya sastrawan.

    Baliau sadar bana, peningkatan SDM ko marupokan caro nan paliang tapek untuak mengatasi kemiskinan di kampuang.
    Senyampang dari daerah awak banyak anak-kamanakan nak pai ka lua mancari hiduik, mako nan marantau itu alah siap bana basaing jo bangso, suku lain untuak mamparabuikkan lapangan pekerjaan formal bergengsi di mancanegara.

    Indak sarupo kaadaan kini, urang awak panggaleh di kaki limo dikaja-kaja tramtib di kota-kota besar. Ibo awak mancaliaknyo, tapi nak diapokan lai.

    Salain daripado itu nan indak kalah hebaitnyo, baliau mampu meningkatkan PAD sebesar 850 % tanpa manjua kampuang (mangundang investor-investor pariwisata maksiat atau kontes-kontes dangdutpro).
    PAD iko dipinjamkan atau disubsidikan ka nagari-nagari (realisasi dari semboyan, babaliak ka nagari, kambali ka surau) barupo usaho-usaho nan bamanfaat sarupo koperasi mansajik, biaya "paga-nagari", LPN-BPR, irigasi, sertifikat jawi jo kabau dsb.

    Baru iko tadanga Kada nan babuek nyato untuak nagari, tamasuak manganjurkan anak-nagari mambuaek nagari-saibernyo masiang-masiang di situs awakko.

    Seluruah pagawai Pemda diwajibkannyo pulo mambaco dan mambuek resume buku nan dibaco itu, sarato baraja bahaso Inggirih

    Karano program-program inyo nan intinyo Cost and Benefits analisys sarato Good Governance, dengan pengeluaran baprinsip dana 3e, efisiensi, efektivitas dan ekonomis mako baliau dianggap sampilik, sedangkan bagi PNS nan tabiaso bakarajo tanpa target, kini indak bisa karajo baleha-leha ilia-mudiak tanpa dinilai hasil kuantitatifnyo oleh atasan.
    Sagalonyo dietong jo cost and benefit, direncanakan tahun 2015 jumlah PNS di lua jumlah guru dan medis cukuik 1000 orang sajo.
    Gaji PNS itu kan dibayia jo pitih rakyat, jadi indak paralu banyak jumlahnyo kalau karajonyo hanya untuak absen pagi jo siang.

    Dana indak sumbarang kalua, apolai nak mancubo ba KKN.

    Contohnyo keteknyo, kalau di tampek lain renovasi / perbaikan jalan manjadi objek empuk untuak mandapek kauntuangan pribadi nan punyo proyek, tapi dek Kada kami nan lamo perbaikan jalan itu diteliti bana databasenyo, pabilo terakhir diperbaiki, sia pemborongnyo, kok duo bulan alah rusak apo sababnyo, indak sambarang diadokan proyek yang UUD.
    Saluruah cito-cito Kada kami nan lamoko bak kato urang tuo-tuo awak, alah ganok bak mambilang, alah panuah bak mancupak, ukua jo jangko alah sasuai, bari-balabeh alah takanak.

    Tampaknyo masyarakat kami indak sanang jikok Kadanyo indak namuah / indak pandai bapoya-poya.

    Itu nan katigo. Masih ado nan taraso
    "Ado Mak Sati" si Kuri maningkah. "Baliau menyuruah urang untuak indak baburu kondiak, dan malarang pagawai marokok. Itu kan namonyo mengurangi aktivitas ekonomi masyarakat dan menghalangi hobbi urang kampuang".

    Dengan baburu Kondiak banyak untuangnyo, hamo tanaman bakurang, urang nan punyo oto dapek borongan, dsb.
    Sabananyo bukan malarang, tapi mangurangi, jan sampai karajo lain tatingga dek karano hobbi nan katalaluan.

    "Tantang larangan marokok, memang alah ditulihkan di mano-mano, bahkan di bungkuih rokok itu sendiri. Tapi urang-urang nan marokok itu, kok diumpamokan jo kajadiaan di jaman nabi, karajonyo samo jo nan dilakukan Abu Tholib, paman Nabi. Lah tahu bahaso Muhammad itu rosullullah, tapi inyo indak amuah masuak Islam.
    Lagi pulo kampuang awak bukan daerah produsen tambakau, indak ado untuangnnyo maisok racun itu sebagai sarana untuak mamuta roda ekonomi masyarakat.

    Cukuik tigo itu Mak Sati, Indomo mambatehi urang mangecek.

    "Dari nan angku-angku kamukokan ambo manyimpulkan:

    I. Saumpamo urang kampuang angku-angku salah mamiliah, itu namonyo tamakan diumpan tabua.
    Mareka indak salah, tapi nan manyerakkan umpan tabua nan cadiak, sadangkan masyarakaek tadi talampau cadiak.

    II. Nan cadiak, iolah saponsor nan manyerakkan kecek di tapi labuah, atau manahan jarek di muko pintu.
    Karano labuah tampaek sangat strategis, mako sagalo urang kanai kampanyenyo karano awak talampau cadiak.

    III. Program nan elok harus dikecekkan dan disorak-sorakkan ka urang, disosialisasikan manuruik istilah urang kini.
    Tau angku-angku apo sabab talua ayam kampuang labiah maha dari pado talua ayam nagari, sadangkan talua ayam kampuang labiah kaciak.
    Jawabnyo, karano ayam kampuang sasudah batalua di sorakkan-sorakannyo atau di sosialisasikannyo.

    "Buliah ambo interupsi saketek Mak sati." Si Usuik manggaregeh nak mangaluakan isi hatinyo. Pandapek ko marupokan bahan skripsi ambo katiko manyalasaikan kuliah di Fakultas Filsafat Gadjah Mada.
    Silakan Suik !.
    Ambo liek jemaah nan hadir tampak linglung jo falsafah kato talampau cadiak.
    Paralu ambo jalehkan, nan disabuik urang Minangkabau itu iolah urang-urang nan tau di ampek sarato paham di nan duo !
    Iko contohnyo nan Duo tu: Cadiak jo Bodoh salalu jalan sairiang, karano itu takdir Yang Kuaso. Kok capek jalan si Bodoh, mako si Cadiak talampaui dan si Bodoh bajalan sendiri.
    Dek si Cadiak alah tingga, mako nan Bodoh bajalan tak ado kandali.

    Angku-angku kalompok parantau salalu mangaku cadiak daripado urang kampuang, tapi sayang cadiak awak samo jo panonton urang main bola kaki.
    Dari duduak sambia makan kacang di stadion, tampak-tampak sajo kasalahan pamain.
    Mustinyo angku-angku sato bakampanye mananamkan ide, manyampaikan saran jo pandapek, manjadi tim sukses Kada nan lamo katiko nak pamilihan tempo hari.

    Kini nasi lah jadi bubua, kijang lah lapeh karimbo.
    Paeloki sajo jo doa, mogo-mogo Kada nan baru tapiliah ko bisa manaruihkan program kada nan lamo dan punyo inovasi-inovasi baru nan labiah rancak sarato dapek mamanuahi kandak urang di kampuang. Kok itu nan tajadi, kito bajalan samo mairiang, baiyua samo maisi.
    Indak tatutuiak kamungkinan, angku-angku nan tingga di rantau manjadi panasihaek jarak jauah.

    Jadilah Mak Sati. Tampaknyo Tuangku Mudo nak mangumpa tali.
    Ateh namo nan datang jo nan mautuih kami ka Palanta Mak Sati ko, ambo mangucapkan tarimo kasih sasuai jo panutuik kecek Bagindo Sutan; nan diama alah pacah, nan dimukasuik alah sampai, mudah-mudahan sasuai jo harapan awak di awal partamuan tadi. Diskusi awakko dapek maubek raso kacewa urang rantau.

    Iyolah Tuangku Mudo. Mak Sati manutuik diskusi ateh namo staf Palanta manyampaikan maaf, kok tasingguang ka naiak, tagesoh ka turun. Salam Ambo ka Katua IKM awak.

    Wasalamualaikum warahmatullahi wabarakatuh.
    Sambia manjawab salam, nan hadir basalaman jo Mak Sati.
    Sudahtu si Usuik heboh malayani rombongan nan mamasan induak sarobaek.

    Urang balihia: Dalam pemahaman Orang Minangkabau, leherlah yang mengatur arah gerakan kepala.
    Manganduah: menambahi, tetapi barang penambah tersebut nilainya sama saja kualitasnya, tidak menaikkan Value.

    1 Oktober 2005
    Palanta Mak Sati




    Link dengan situs-situs Dialektika, Logika dan Sistematika serta Toko Buku.
    nan AMPEK I ||   anggt. DPR-DPRD ||   Syair Berhaji ||   RASO-PARESO ||   Kisah PRRI ||   PITARUAH AYAH ||
    Situs komunitas nagari.org mulai dibangun th. 2002, 2003 BPNK, 2005-v2, 2007-v3. All Right Reserved, Contact and Info : info@nagari.or.id
    This site support for MSIE 5.5+, Flash 5+, JavaScript, 800 x 600 px