sejarah
Hari ini Jumat tanggal 28 July: pada tahun 1836 Jenderal Clerens menerima surat perdamaian dari Tuanku Nan Tinggi
HALAMAN UTAMA
HUBUNGI KAMI
ENGLISH VERS.
MINANG KABAU
BUKU TAMU
BAGALANGGANG
  • Lhk Tnh Data[16-76]
  • Lhk Agam[4-73]
  • Lhk 50 Koto[9-76]
  • Pasaman[0-30]
  • Pasaman Brt[2-19]
  • Pesisir Sltn[0-36]
  • Sijunjuang[1-45]
  • Dharmasraya[0-21]
  • Solok[0-75]
  • Solok Selatan[0-13]
  • Pdg Pariaman[0-46]
  • Kt Bukit Tinggi[0-5]
  • Kt Padang[0-22]
  • Kt Pdg Panjang[0-4]
  • Kt Payakumbuh[0-7]
  • Kt Pariaman[0-9]
  • Kt Swh Lunto[0-14]
  • Kt Solok[0-1]
  • Surat Gubernur
  • PESAN ADMIN
    1. Untuk menindaklanjuti surat Gubernur kepada Rektor Perguruan Tinggi ttg. pembangunan nagari-nagari saiber, dan sesuai dengan kesepakatan masyarakat SB untuk 'Baliak ba nagari, kambali ba Surau' maka kini saatnya Generasi Muda mengambil peran

    2. Webmaster-Admin (71 th.) bersedia memberi petunjuk gratis cara pembuatan situs semacam itu kepada anak-kemenakan/mahasiswa.

    2. Praktekkan ilmu yang telah Anda pelajari di sekolah-sekolah khususnya ilmu Komputer/komunikasi

    3. Waktu bagi anak-anak muda, tak boleh dibuang percuma hanya karena 'sedang gilo maliek baruak barayun' di panggung-panggung hiburan, di televisi dan di mal-mal.

  • Calon Promotor
  • Masalah Besar I
  • Masalah Besar II
  • Malu indak dibagi
  • Asalnya Masalah
  • Agenda Kita
  • Nan Berprestasi

  • Batuka pandapek dgn urang nan didahulukan salangkah, ditinggikan sarantiang:

  • Gubernur SB: Waktu dalam konfirmasi !

  • L.K.A.A.M - S.B
    Minggu pertama, malam pk. 20.00 - 22.00 setiap bulan atau konfirmasi ke: 0812 661 6986

  • Ketua DPRD Sumbar: Waktu dlm konfirmasi !
  • Bakirim email unt. Mamak:
  • di LKAAM
  • di DPRD
  • di DPD

  • GURITIAK dari PALANTA MAK SATI
  • PRRI di Nagari Sulik Aie - 923316
  • Tiga Peristiwa Tragis di nagari Batipuah - 983549
  • PRRI di nagari Tabek Sw. Tangah - 992680
  • Para pemuda Talang dilepas menuju front Juang - 1051877
  • Tugu untuk mengingat PRRI di nagari Muaro Paneh - 1230223
  • 17 orang pemuda Sitalang berangkat ke Silapiang menjadi pejuang PRRI - 1450446
  • Nagari sebagai Unit Kesatuan Keamanan dan Pertahanan - 1350407
  • Nagari sebagai Unit Kesatuan Ekonomi - 1359519
  • P.R.R.I di nagari Rao Rao: Pendidikan di saat perang - 1460394
  • PRRI dalam Pergolakan Daerah th. 1950-an - 1356139
    Lihat Judul-judul Guritiak lainnya

  • Sabai & Mangkutak & JilaAtang di jaman Digital (Wisran Hadi)

  • Orang Minang
  • Paham di nan Duo
  • Cupak nan Duo
  • Alexander the Great
  • Takana jo kawan!
  • Penyumbang situs
  • Toko Buku UNP
  • Unduh yg Diperlukan

  • PRRI di Kt. Anau
  • PRRI di Simarasok
  • Menjaga M. Natsir
    di Rimba Masang
  • Telah dibaca oleh 799362 orang.
    Dialog antara Luhak dengan Rantau

    Dialektika Minang Kabau

    Penting !.....Inilah dialektika yang wajib dibaca dan dipahami oleh para Dunsanak yang sedang diberi amanah mewakili/mengurus rakyat Sumatera Barat (anak nagari MK) di dalam badan eksekutif maupun legislatif.


    SUREK DARI KAMPUANG (Bukan manyasa yg. ke IV)
    dari: Yanto Jambak
    Parak Tingga 30 - 10 - 1993
    BALASAN DARI RANTAU (surek no. IV)
    oleh: Drs. H. Noor Indones St. Sati, 73 th.
    Tapian Musi 1 - 7 - 2009
      
    Assamu’alaikum ka urang rantauIko jawaban surek dari rantau
    Kadagang juo surek tatujuRunguih ucapan talempong kato
    Kok nyampang garuang talampauGaruang angku indah talampau
    Suruakkan talingo ka langan bajuTapek mancucuak anak talingo
      
    Tigo kali malayangkan surekSurek dibaleh, surek ka ampek
    Rauang jo ratok kasadonyoSurek nan lain baumua tuo
    Ulah dek sayang tadoroang amekKalau sayang tadorong amek
    Lahia jo bathin basangketoLahia jo batin pasti sakato
      
    Lah singkek kalam panulihSingkek pena boto tunggikkan
    Ayie mato lah ganti dawatMati dukun ganti jo doto
    Dukun mati ubek lah abihAie mato dibuang jangan
    Tak mungkin rasonyo panyakik sehatSupayo muko tampak barono
      
    Surek kami lah dagang dangaSurek angku lah dagang baco
    Simak bajawek kasadonyo Walau disimak sambia minum
    Di lahianyo surek bak panawaHabih tabaco ka sadonyo
    Di bathinnyo racun sapaduoSabarih indak manjadi racun
      
    Dulu manangih dek taragakAngku manangih dek taragak
    Kini marauang kacamehanKami tasengeang karano rindu
    Dagang manyurek sambia galakHari pagi lalok tasintak
    Bathin maratok basuruakkanDuduak di langkan sambia mangaji
      
    Pandai bana dagang baladangAngku manangih dek taragak
    Alah saparak pisang manihKami tasengeang karano rindu
    Pandai bana dagang batenggang Hari pagi lalok tasintak
    Muluik galak hati manangihDuduak di langkan sambia mangaji
      
    Kami bak mandi jo kiambangKami mandi basabun arun
    Palak habih gata nan timbuaBaju lakek abuak basega
    Tiok barih lah kama ulangKontak lakek masin mandarun
    Dalam sirek gamang tasumbuaMa anta anak pai sikola
      
    Sakik cegak damam nan tumbuahNasi lamak campua jo bubua
    Kada di ubek tukak nan tiboKopi susu sacangkia gadang
    Dagang baniat ma ubek rusuahItu sarapan sabalun ka kantua
    Basuruakkan duto sapaduoBadan segeh paruik kanyang
      
    Usah dagang salah tarimoBukan kami baburuak sangko
    Indak doh kami maetoang jariahAti badatak ado saketek
    Nyampang tatanam di padi hampoIndak tatanam di padi ampo
    Lah jaleh mungkin salah dek baniahMungkin basiang angku talambek
      
    Indak labiah dek urang ladangPagi ari angin barambuih
    Salain batanam bijo nan baiakPadi diampai ateh lapiak
    Tumbuah rimbun babuah kambangJikok tatanam lai ta uruih
    Barabuik urang nak ma ambiakIndak ado urang sato ma ambiak
      
    Kok disabuik malang baparakKok lai untuang ka elok
    Bijo banyak tumbuah sabatangCirik Kudo manjadi godok
    Daun labek babuah indakKalau tibo nasib ka malang
    Lah manyarok ka parak urangDari muko lapeh ka balakang
      
    Kok jaleh kalikih jantanDaunnyo ubek jumbalang
    Daunnyo dapek ubek jumalangBatangnyo ka tunggak paga
    Biapun tumbuah di tapi jalanTanaman lia ditabang urang
    Bapikia urang ka manabangTanaman bapaga indak ka baa
      
    Bukan mangana sakaruang pupuakBaringek sabalun kanai
    Sayang jo jariah nan tabuangMalantai sabalun lapuak
    Bak ma ambiak antimun bungkuakBasawah jaan talalu santai
    Kakaruang indak di etoang urangTambah pokok pambali pupuak
      
    Bukan doh untuang nan kami cariUntuang dapek pokok batambah
    Mangana pokok jan tamakanKutiko panen harago naiak
    Buah tumbuah musim bagantiUsah angku capek manyarah
    Harago kok jatuah di pasaranBausaho sahabih lantiak
      
    Di urang tumbuah lah ma ambiakDiurang tumbuah lah maambiak
    Awak dek gilo jo palapahDiawak masak baru disantuang
    Daun mudo lah jadi karisiakDaun pisang jadi karisiak
    Putiak kok malu jadi buahTandonyo pisang ka manjantuang
      
    Kok nyampang jadi salibuBajak patah Bantiang taambau
    Lah jaleh tumbuah dek taserakKalau sial nan katajadi
    Dagang lah jaleh tanaman sukuUsah curiga ka urang rantau
    Tumbuah di ladang ba mintalakIndak kini isuak kok lai
      
    Ladang bapandam bapakuburanBatang Masang Muaro Putuih
    Sawah balantak batu bajiSinan Kaluai banyak ramo
    Usah baniek tumbuah di jalanKasiah sayang usah diputuih
    Sio sio daun bagantiSahalai banang tinggakan juo
      
    Untuang takadia jo bagianPimatang tabek tolong tabehkan
    Lah nyato garak dari AllahBari bapaga jo buluah Apo
    Tapi kok kito salah jalanPanjang jo singkek paulehkan
    Lah jaleh sasek dek malangkahIndak sampai kabaa juo
      
    Sakitu surek dari ladangLimau manih di pandakian
    Untuang kok lai batang manyimakUreknyo bajelo jelo
    Mancaliak buah kami lah sanangSadang manih kito hantikan
    Kok ma ambiak bialah indakLain kali diulang pulo
      

     
    PASAN INYIAK dari RANTAU

    Drs. H. Noor Indones St. Sati, 1 - 7 - 2009
       
     
    Walaupun kami marantau jauah
     
     
    Dibao nasib untuang diri
     
     
    Patuik saketek bahati lintuah
     
     
    Mancaliak kondisi nagari kini
     
       
     
    Apo nan tajadi di anak cucu
     
     
    Manciok ciok sambia mangakeh
     
     
    Labuah diasak urang lalu
     
     
    Cupak dituka rang panggaleh
     
       
     
    Karupuak baganti jo karipik
     
     
    Ditomban urang jo sambalado
     
     
    Baa mako batambah sakik
     
     
    Usaho ko pindah ka tangan Cino
     
       
     
    Dahulu banamo karupuak sanjai
     
     
    Kini banamo karipik balado
     
     
    Dahulu usaho urang Kurai
     
     
    Kini bisnis urang Cino
     
       
     
    Kok tajapai pulang ka kampuang
     
     
    Singgah sabanta ka sasok lamo
     
     
    Sinan badan manjadi binguang
     
     
    Tanah ulayaik baganti namo
     
       
     
    Jaan lupo ka tapi danau
     
     
    Ka pinggia pantai mancaliak pukek
     
     
    Sinan awak baru tagagau
     
     
    Kamanakan manjadi tukang angkek
     
       
     
    Bukan angkek sumbarang angkek
     
     
    Pakakeh Bule nan diangkeknyo
     
     
    Kok si Bule ingin bagolek
     
     
    Ka tampek tidua diantakannyo
     
       
     
    Hari patang matoari turun
     
     
    Kalua hotel Bule dibao
     
     
    Kalau si Bule ingin raun
     
     
    Carikan dunsanak ka kawannyo
     
       
     
    Pasan niniak sajak daulu
     
     
    Jaan dirusak adat jo agamo
     
     
    Tolong imbaukan ka bakeh pangulu
     
     
    Salamekkan nagari basamo samo
     
       
     
    Kok pariwisata salah kalola
     
     
    Bacampua jo parbuatan maksiat
     
     
    Carikan bukaan karajo nan hala
     
     
    Dapek dipatangguangkan dunie akhirat
     
       

    Bapaluah kaniang dibueknyo
    4 Juni 2012
    Itam nan sabana itam, nan tajadi
    4 Juli 2012
       
    Lah sulik badan manyabuikBara bana ka guruah hari
    Nan tajadi di badan diriManggaga mandaruik juo
    Dikambang takuik ka kusuikBara bana ka rusuah hati
    Dibiakan mangganja hatiNan bana disabuik juo
       
    Antah dek cameh balabiahanKok ribuik usah dareh bana
    Takuik basarang di runggo dadoAngin dareh mambao kabuik
    Talampau arek gangam tanganKok iduik usah pancameh bana
    Bapaluah kaniang dibueknyoUrang pancameh mati anyuik
       
    Sulik raso ka manggarikKok awak babaju sampik
    Dibao malenggang apolaiBabigu badan tampak dek urang
    Bak mamakai baju sampikUrang mancaliak jadi garik
    Iko nan gamang badan diriTakuik pipinyo kakanai lampang
       
    Badan biaso jalan malenggangBiasokan jalan di pamatang
    Langkah lapeh kian kamariTabiang di suok, banda di kida
    Kini bajalan di pamatangUsah malu diliek urang
    Banda jo tabiang suok kiriAtasi sajo dengan saba
       
    Bukan upek, bukan doh sasaJa-anlah berang, usahlah banci
    Apo lai berang jo banciUsah maupek ja-an manyasa
    Hanyo saketek nan mangganjaTaradok sagalo nan tajadi
    Manga iko harus tajadiAtasi sajo dengan saba
       
    Kanduang kan alah tau juoSadonyo itu kami lah tahu
    Kok disabuik nasib badanWalaupun indak dikatokan
    Pado rancak banyak buruaknyoIndak ado tampek mangadu
    Baitu urang mangatokanMari samo kita salasaikan
       
    Kato nan indak tapungkiriMato hati jo mato lahia
    Kalau dipandang jo mato lahiaSamo mamandang kaduonyo
    Santano dicaliak jo mato hatiSoal itu usah dianggap jahia
    Patuik manjadi buah pikiaKito bongka sampai ka akanyo
       
    Putiah kapeh nyato di caliakNan baiak tatap baiak
    Putiah hati baa kaadaanIndak tagantuang suduik pandang
    Bacarito buruak jo baiakKok nan buruak tampaknyo baiak
    Tagantuang dari suduik pandanganTando malieknyo mato selang
       
    Dek sabab karano ituKalbu jo hati ado di dalam
    Patuik manjadi kiro kiroBiji mato ado di lua
    Buka hati tanyo kalbuSuduik mato lensanyo tajam
    Usah dipandang jo suduik matoLabiah tapek maanalisa
       
    Pakaikan aka sehatAka sehat di kapalo
    Usah tamakan jo perasaanDi dado talatak perasaan
    Kana janji, ingek iktikadNak batue sagalo karajo
    Niat baiak, banyak cobaanAka jo raso harus sejalan
       
    Urusan gadang kito paketekNan gadang yo dipaketek
    Usah nan ketek digadang gadangkanNan ketek rancak dihilangkan
    Saribu tagah, sajuta hambekSupayo pangana indak sasek
    Insyaallah, bukan rintanganPakai nan bana ka tuladan
       
    Kok kurang jaleh salamokoMancaliak usah mambulalak
    Usah malah raso takicuahCaliak sajo jo mato sayu
    Caliak bana balalakkan matoNan elok tampaknyo rancak
    Usah di intai jauah jauahNan buruak samakin tantu
       
    Denailah nyato rang pagurauUrang pagurau lambek tuo
    Garah jo bana samo banyaknyoUrang pagamang mati jatuah
    Bak cando ma ota dilapauGarah jo serius samo sajo
    Kadang tasabuik garah kudoAsa jaan ado niaek mangicuah
       
    Kok garahnyo usah disabuikBuliah mambandiang jo hati saba
    Kok bananyo buliah dibandiangSilakan bamanuang kutiko susah
    Usah di tanyo raso takuikBarani karano bana
    Salangkah indak ka bapaliangTakuik karano salah
       
    Pantang hiduik bak baliang baliangPueh di kampuang cubo marantau
    Baputa kama arah anginNak tampak ujuang nagari
    Di nan lanyah kito babimbiangJan bak ayie di ujuang pulau
    Di nan data samo ka tambinTajun ke-en tunggang ka mari
       
    Caliaklah contoh ka nan sudahNan sudah usah dicontoh
    Carilah tuah ka nan manangKok tuah iyo di nan manang
    Mabuak mancari banang nan salahBarang salah tampaknyo nyato
    Sio sio tanun takambangNan batua banyak panghalang
       
    Banyak kakok nan tabangkalaiUsah bimbang, usahlah ragu
    Dek ulah aral malintangBatu gadang di tapi ayie
    Kini sadonyo lah hampia salasaiDi nan sampik pandeka lalu
    Harus kah baliak kito ulangSadang bansaek utang tabayie
       
    Tapuak dado tanyo saleroSanang hatinyo Punaitanah
    Sabalun kaki dilangkahkanMancaliak Balam inggok di dahan
    Patah kapak itu biasoMahariak mahantam tanah
    Patah sumangat itu pantanganItu tando urang malawan
       
    Sadangkan di lauik kanduang ndak karamDi lauik sarang Buayo
    Manga katabanam di kubanganKubangan Kabau di tangah sawah
    Padeh lado asinnyo garamKaram di lauik itu biaso
    Itu tak labiah bumbu masakanKaram di hati labiah parah
       
    Kok nak tau dituah gadiangKok lah tahu jo ratak Gadiang
    Caliaklah dima rataknyoTantu rataknyo manantukan
    Buruak jo elok hampia babandiangKok nan elok jo buruak nan babandiang
    Tingga di awak mamakaikannyoNan elok ka jadi pilihan
       
    Hapuih ragu buanglah bimbangKok kakok tabangkalai
    Campakkan sangsi jauah jauahElok karajokan sampai sudah
    Urang ndak lupo jo batu gadangKarajokan taruih sampai salasai
    Di batu ketek acok tajatuahJan baranti di tangah tangah
       
    Bukan ilak bukan doh ilahPandangan batin pandangan mato
    Bukan mancari pambanaranKaduonyo samo batua
    Pandangan mato acok salahKok nak tahu jo kulikaiknyo
    Pandangan batin ka dituruikkanJan ranggang, tapi bakumpua
       
    Galilah batang dalam dalamAyam itam tabang malam
    Nak basuo urek pitalonyoInggok batengge di ateh dahan
    Usah mancari din an kalamKalau mancari dalam kalam
    Haram nan hilang ka basuoResek jo kaca gunokan tangan
       
    Nan itam alun tantu kumuahItam pertamo, itamnyo asa
    Walau takato kajadi cenoItam kaduo, datang kudian
    Kadang dek putiah kito takicuahNan partamo ado di Afrika
    Mato lah silau dibueknyoNan kaduo ado di Pariaman
       
    Taserak pasan dalam gurindamTasabuik pasan dalam gurindam
    Ka ganti jadi buah tutuaKaganti tutua dengan kato
    Ka jadi suluah dalam kalamKok iyo ka baperan
    Untuang manjadi banta tiduaParalu diolah nak nyo nyato
       
    Tapi kok tabang babaliak awahTakdir nan kuaso tampek lari
    Ubek manjadi racun jo tuboKarano buntu jalan bapikia
    Indak dicari pangka jo salahPangka jo salah paralu dicari
    Mungkinlah takdir nan KuasoSupayo jaleh ganok jo ganjie
       
    Indak banci indak doh dandamKa Tiku galehkan Garam
    Dado sajo di palapangKa Matua manggaleh Pisang
    Sadangkan jo kappa lai karamUrang jo kapa bialah karam
    Konon ba rakik batang pisangAwak salamat jo rakik batang Pisang
       
    Disangko kanduang indak pamabuakKok awak urang pamabuak
    Lah biaso jo galombangJan baoto di kelok kelok
    Tanyato paruik bana nan buruakNan elok usah dipaburuak
    Pantang saketek kanai goyangNan buruak malah dipaelok

    Ratok Galodo dari Kampuang 24-7-2012
    oleh: Yanto Jambak
    Jawek dari rang Rantau 1-8-2012
    oleh: Drs. H. Noor Indones St. Sati, 73 th.
       
    Assalamualikum urang di rantauAlaikum salam yo Rang Kampuang
    Jaweklah salam ranah tapianIkolah jawek kami di Rantau
    Jo garuang kami mahimbauBia angku manggaruang garuang
    Bisiek kok lai kadangaranKami mandanga indak tagagau
       
    Di bibie ateh Sitinjau lauikAngku liek dari Sitinjau Lauik
    Sambie manatok ayie hilieKami manonton di televisi
    Kami tulihkan garuang hati nan kusuikPandangan angku tahambek kabuik
    Di ateh karateh siso banjieTampak di kami bak pagi hari
       
    Antah kasampai antah indakRauang angku ndak usah ragu
    Kato lah duo dalam hatiLah jadi carito di Palanta
    Parangko cabiek amploplah biyakJaso Pos indak paralu
    Tukang pos kok tinggi hatiMulti media sumber berita
       
    Tapi dek tasasak ka rimboKok iyo ubek bukanlah tubo
    Tenggang lah abih jo kalakaKalau tubo bukanlah ubek
    Kok indak ka ubek, jadilah tuboAngku dipuji ado usaho
    Pado manangguang cando iko banaWalau sasarannyo kurang tapek
       
    Ditulih surek sakali nangkoSurek angku tatap ditarimo
    Kok lai elok ratak tanganTapi diarahkan ka nan lain
    Kok nyampang lai dagang tarimoUrang rantau indak usah digaro
    Bakurang juo rasonyo babanWalikota Padang nan ka dipilin
       
    Kok indak talakik mambaco kiniSurek dibaco walaupun rawan
    Usah di buang jadi sampahArsip dikumpuakan disimpan kini
    Agiehkan ka cucu kamiAnak cucu usah dibari baban
    Kok lai hatinyo tagugahDatangnyo tadi, salasaikan kini
       
    Indak usah kami disilauPulang manyilau lah jadi garih
    Pado pulang ba abih pitihManyatokan sato balasungkawa
    Ta ulang baliek carito lampauPulang bukan mambaok pitih
    Kami bapujuak bapatangihMambao aka pancari dana
       
    Sabalun isya abih mugarikRatik bukan panulak bala
    Di sajadah duduak bamanuangCari usaho pambukak jalan
    Lafalkan puji baolah ratikKalau doa nan ka diminta
    Kirimkan doa kami di kampuangSasudah sholat kami lakukan
       
    Bukannyo jarieh manantang buliahKok jariah tantu ado paimbuah
    Manuruik pitua guru mangajiMarugi manantang labo
    Doa dari anak yang saliahUsah dijuluak baru jatuah
    Labiah bak ayie panyiram apiJatuah surang mako bad(j)aso
       
    Dagang lah tau nan tajadiApo tajadi kini alah jaleh
    Baiak di tv jo radioBencana alam jadi panyabab
    Kampuang indak babantuak laiHarato bando habih tandeh
    Rumah lah hancua jo tamporoPamarentah kota batangguang jawab
       
    Paga rampak temboklah runtuahKalau musibah nan lah tibo
    Gonjoang raok sandilah hanyuikSado nan ganjie bisa tajadi
    Lah laweh banda pado labuahIndak paralu banyak carito
    Tabek baganti jadi lauikCari jalan babenah diri
       
    Di hari baiak bulan baiakUsah pojokkan bulan puaso
    Rahmat apo iko namonyoElok panyabab nan kito cari
    Nagari laweh cabiak cabiakIko tando Allah nan Kuaso
    Kain sakabuang jadi pacoJo aie gadang iman diuji
     
     
    Antah ujian dari IllahiUjian jo kutuak sakali jalan
    Antah kutuak babantuak cobaanItu hak Allah maha Kuaso
    Alun tumbuah rimbo dek apiDek tangan cacau marambah hutan
    Jo galodo panggang nyo padamkanMakonyo Allah malapeh galodo
       
    Gunuang pangilun lah tarandamWalau Siteba wilayah aman
    Gunuang Nago sato puloTataok kanai dibao galodo
    Apo katenggang tunggua hitamKalau Allah mambari cobaan
    Siteba jo Pauah dhantam galodoBana jo batue kanai sadonyo
       
    Caliaklah komplek Arai PinangBanjie bandang indak mamiliah
    Lah tingga atok nan tampakBia adiak, kakak sarato mamak
    Ulah dek laku banjie bandangTaranak jo tanaman disapu barasiah
    Bacarai adiek jo kakakTamasuak rumah nan tampak atok
       
    Langik sabak awan manggalokGabak di ulu manjadi ujan
    Guruah jo patuih basangketoKayu panahan habih ditabang
    Gabak di hulu nan maratokAyie mailie indak tatahan
    Hanyuik kampuang dek ayie matonyoDi dalam kampuang ayie taganang
       
    Aua runtuah tabianglah tabanGalodo indak basifat pandandam
    Ulah galodo malapeh dandamBanjir bandang namo lainnyo
    Bacarai mamak jo kamanakanTaranak anyuik kampuang tarandam
    Bapak lah hilang tangah malamItulah karajo sutan Galodo
       
    Harato abih barang lah lindangSawah kok jadi tabek gadang
    Mayik takubua indak bapusaroTabek kaciak ilang ikannyo
    Sawah lah jadi tabek gadangTarimo musibah jo jiwa lapang
    Satangkai haram kok basisoLah suruik ayie cari gantinyo
       
    Ayam di kandang tabang hambuaNan kanduang ajak bapikia
    Itiak lah hanyuik jo ayie hiliaBukan diajak mancari sabab
    Kambiang jo kabau sato takubuaAnggap sajo itu takadia
    Dek kanduang cubolah pikieMari kito limpahkan ka pananguang jawab
       
    Hari rayo samakin dakekBilo musibah datang manimpo
    Bancano tibo dibulan puasoTarimo sajo jo hati saba
    Katupek sajo tak mungkin tabuekAdo-i hari rayo jo nan ado
    Usah lai randang ka dibacoUsah sampai kahilangan aka
       
    Antah kok dari rantau dagiang tiboPicayolah kapado Allah Kuaso
    Bareh jo bumbu dari induakHari Rayo, jalan tabukak
    Mungkin jadi kami barayoKini gunokan sado nan ado
    Walau jo kain siso luluakKapado Allah tatap mamintak
       
    Restan galeh tanah abangUsah arok jo siso galeh
    Siso obralan kaki limoBarang obralan di kaki limo
    Kok malu dagang mahantakan pulangAllah nan ka manyalasai kameh
    Kirimkan sajo ka urang otoDari pinjuru rasaki kan tibo
       
    Barang baru mode kok tinggaKami picayo imbauan kawan
    Pado manyampik dalam tokoJo jaso urang indak ka lupo
    Dek kami paguno banaJauah pandang tinggi harapan
    Panutuik malu di hari rayoTataok basarah ka nan Kuaso
       
    Satitiek ka kami lauikkanBarang baru, mode lah tingga
    Sakapa kami jadikan gunuangBia caia di dalam toko
    Kok kurang jo tapak tanganUsah kito marandah bana
    Jo niru ka kami tampuangIndak ka uruang ba hari rayo
       
    Indak bana kain nan baruPakain baru, pakaian usang
    Bakeh bapakai kamipun sanangSamo sajo di hari rayo
    Dek kami barasieh nan paraluHati barasiah pikiran tanang
    Jan malu tampak dek urangBaseri seri cahayo muko
       
    Mintak indak bakandak indakKa bukik jalan mandaki
    Kami manyabuik angan anganKa lurah ado turunan
    Tapi kok lai dagang tagarakNan indak samo kito cari
    Manjadi ibadahlah di mato TuhanNan ado samo kito makan
       
    Babuek baiak sa ujuang kukuSaujuang kuku sapanjang jari
    Kok lai balehnyo sapanjang jariKaduonyo samo diarokkan
    Kandak bulieh pintak balakuTaguahkan iman kuekkan hati
    Disitu tangih mungkin barantiTiok pinjuru tibo bantuan
       
    Indak doh carito balabiahanCarito balabiahan indak taraso
    Kami manyabuik nan tarasoKarano sadang dirunduang duka
    Kok ragu dagang mandangakanSado nan tajdi kami picayo
    Calieklah bana nyato nyatoBanyak bana sumber berita
       
    Cukuik sahinggo iko dahuluTarimo kasih keluhan Angku
    Panjang bana dagang kok bosanNan disampaikan jo hati suci
    Siang malam kami manungguUrang kampuang silakan tunggu
    Baa jawek dagang barikanDari Allah datang rasaki

    Kalau Dunsanak setuju dengan pesan "Dialektika" ini, tolong di Like & Send atau di Tweet. Terima kasih.




    Link dengan situs-situs Dialektika, Logika dan Sistematika serta Toko Buku.
    nan AMPEK I ||   anggt. DPR-DPRD ||   Syair Berhaji ||   RASO-PARESO ||   Kisah PRRI ||   PITARUAH AYAH ||
    Situs komunitas nagari.org mulai dibangun th. 2002, 2003 BPNK, 2005-v2, 2007-v3. All Right Reserved, Contact and Info : info@nagari.or.id
    This site support for MSIE 5.5+, Flash 5+, JavaScript, 800 x 600 px